လက်ထဲက ဒိုင်ယာရီထဲမှာ ကဗျာတစ်ပုဒ် ချရေးကြည့်သည်....

သည်းဦးပန်း

မငြိုးနွမ်းမယ့်

သည်းဦးပန်းလေးမို့..

မောင့်ရင်ထဲမှာ..

ထာဝရ ပန်ထားချင်တယ်...

အချစ်နဲ့စစ်မှာ

မတရားတာ မရှိဘူးဆိုပေမယ့်

မင်းအချစ်ရဖို့..

မောင်တိုက်စစ်မဆင်ပါဘူး....

ကောင်းကင်ထက်က

လမင်းလေးလိုပဲ

မင်းလေးကို မောင်..

မော့ကြည့်ခွင့်လေးရရင်..

မောင်ကျေနပ်ပါပြီကွယ်...

အချိန်က ညစာကျက်ချိန်ပါ။ ၈ နာရီလောက်ပေါ့။ နေရာကတော့ နယ်မြို့ကလေးက အိမ်လေးမှာပါ။ အချိန်ကတော့ ကျွန်တော် ၁၄ နှစ်အရွယ် ကိုးတန်းကျောင်းသားတုန်းကပါ။

စာကျက်ရင်းနဲ့ ရင်ထဲမှာ ဆွေးမြေ့လာတယ်။ တိတ်ဆိတ်ငြိမ်သက်နေတဲ့ မြို့ကလေးမှာ ဘာသံမှ မကြားရပဲနဲ့ ကျွန်တော့်စာကျက်သံလေးပဲ တိုးတိုးထွက်လာတော့ ရင်ထဲမှာ တမျိုးပဲ။ တခါတခါ အဝေးက ဆွဲငင် အူလိုက်တဲ့ ခွေးဟောင်သံတွေက ထွက်လာလိုက် တိတ်သွားလိုက်ပေါ့။  အိပ်ခန်းသုံးခန်း၊ ဧည့်ခန်း၊ ဘုရားခန်း၊ ကျယ်ဝန်းတဲ့ မီးဖိုချောင်တွေပေါင်းထားတဲ့ ဒီအိမ်လေးမှာ ကျွန်တော်တစ်ယောက်တည်းပါ။ လျှပ်စစ်မီးလာပေမယ့် မီးအားတအားနည်းလို့ မီးချောင်းတောင် မထွန်းနိုင်ပါဘူး။ ဘက်ထရီမီးလေးကို အားကိုးရင်းနဲ့ပဲ ကျွန်တော် စာကျက်ဖို့ ကြိုးစားနေမိပါသည်။ 

မျက်လုံးက ကုတင်ပေါ်မှာ တင်ထားတဲ့ သိုင်းဝတ္ထုဆီကို ခဏခဏရောက်နေပေမယ့် မနက်ဖြန်မှာ ဆိုရမယ့် စာရှိနေတော့ မရမချင်း ကျက်ရဦးမယ်လေ။ အိမ်အပြင်မှာ ပတ်ပြေးနေတဲ့ ကျွန်တော့်ခွေးလေး နီတိုးအသံကို ကြားလိုက်မိတော့ စိတ်ထဲ တကယ်ပဲ လုံခြုံသွားသည်။  ဓါတ်မီးလေးကို ထိုးပြီး မီးဖိုချောင်ထဲကို ထွက်ခဲ့မိသည်။ ကွေကာအုပ်တစ်ထုပ်ဖျော်လိုက်သည်။ မှောင်မည်းတိတ်ဆိတ်နေသော ဒီအိမ်ထဲမှာ ကျွန်တော်တစ်ယောက်တည်းသာ သက်ရှိ အဖြစ် နေထိုင်နေသည်။

ညဘက် မိုးချုပ်စပြုတာနဲ့ အိမ်တံခါးတွေကို အလုံပိတ်ရသည်။ ကျွန်တော့်အိမ်က အစွန်ဆုံး။ ကျယ်ဝန်းသော ခြံဝင်းထဲမှာ မခုတ်ထစ်ရသေးသည့် မြက်ကိုင်းတို့က ရှည်လာသည့်အတွက် ဘယ်လို ရန်သူပုန်းအောင်းနေမယ် ဆိုတာ မသိနိုင်ဘူးလေ။ ဒါနဲ့ပဲ တံခါးတွေ ပြူတင်းပေါက်တွေကို ပိတ်တိုင်း အထက်အောက် အသေအချာ စစ်ပိတ်ရသည်။ အိမ်သာက အိမ်နောက်ဖေး ကိုက်တစ်ရာ အကွာမှာ ရှိသည်။ ထိုအိမ်သာဘေးမှာ ငါးကန်နှစ်ကန်။ ထိုအိမ်သာနောက်မှာ အုပ်မှိုင်းစိမ်းစိုသော ပိန္နဲပင်။  အမှန်အတိုင်း ၀န်ခံရလျှင် ဒီလို အခြေအနေမှာ ညဘက် အပြင်ဘက်ကို အိမ်သာမသွားရဲပါ။ သရဲကိုကြောက်လို့မဟုတ်ပဲ မမြင်ရသည့် အမှောင်ရိပ်ကို ကျွန်တော်စိုးရွံ့သည်။ ဒါကြောင့် ညမိုးချုပ်ခါနီးတိုင်း ရေအိုး၊ သေးအိုး အစုံ ကျွန်တော့်အခန်းမှာ ချထားရသည်။

ကျွန်တော် တခါတခါ အိပ်မက်ယောင်တတ်သည်။ တခါက အိပ်နေရင်းနှင့် ကုတင်ထက်မှ ကျွန်တော်ထသည်။ စိတ်ကလည်း သိနေသည်။ အဲဒီနောက် သေးပေါက်သည်။ အောက်ပိုင်းတစ်ခုလုံး စိုရွှဲသွားအောင် သေးပေါက်သည်။ ဒါကိုလည်း သိသည်။ အဲဒီနောက် ရေချိုးခန်းသွားပြီး အောက်ပိုင်းတစ်ခုလုံး ဆေးကြောကာ ဘောင်းဘီအသစ်လဲသည်။ အဲဒီနောက် အိပ်ရာထဲပြန်ဝင်သည်။ အဲဒီနောက် ကျွန်တော် အိပ်ပျော်သွားသည်။ မနက်မိုးလင်းလာတော့ ကျွန်တော်တခုမှ မမှတ်မိပါ။ တခါတလေ စဉ်းစားမိသည်။ တစ်ယောက်တည်းနေရတဲ့ ဘ၀မှာ ညည အိပ်မက်ဆိုးတွေမက်လို့ ယောင်တာတောင်မှ ဘယ်သူမှ မသိပါလားလို့ပေါ့။ တခါတလေ ၀မ်းနည်းလွန်းလို့ မျက်ရည်တွေ ကျမိသည်။ ဖေးမမယ့်သူ ဘေးမှာ မရှိတော့လည်း ကိုယ့်ဟာကိုယ်ပဲ ဖေးမတတ်အောင် ကြိုးစားခဲ့သည်။ ဒီလိုနဲ့ပဲ ကျွန်တော်အားအင်တွေ ပြည့်ဝခဲ့သည်။

လက်ထဲက ကဗျာလေးကို ပြန်ဖတ်မိသည်။ စာလည်းရပြီမို့ စာအုပ်ကို ပိတ်ပြီး ကုတင်ထက်မှာ လှဲလျောင်းနေမိသည်။ အပြင်မှာ နီတိုးလေး ပြေးလွှားဆော့ကစားနေဆဲ။ ညကလည်း တဖြည်းဖြည်း မှောင်မိုက် သိပ်သည်းလာဆဲ...။ ကျွန်တော်လည်း မကြာခင်မှာ သိုင်းဝတ္ထုထဲမှာ နစ်မြောသွားတော့မည် ဖြစ်သည်။

ကျွန်တော်နှင့်အိမ်နီးနားချင်းများ ဆိုတာရဲ့ အဆက်လို့ပြောရမလား။ နည်းနည်းတော့ ပြောင်းပြန်ဆန်သွားမယ် ထင်ပါတယ်။  ဒီတစ်ခါ သောင်းကျန်းသူကတော့ ကျွန်တော်ကိုယ်တိုင်ပါ.. ဟဲ.. ဟဲ။ 

အရင်တစ်ပုဒ်မှာ ရေးခဲ့သလိုပဲ ဇာတ်လမ်းဇာတ်ကွက်တွေကတော့ နေထိုင်လာတဲ့သက်တမ်း ကြာမြင့်ခဲ့သည့်တိုင် မပြောင်းလဲပါဘူး။ စပီကာတပ်ပြီး ချတ်တင်ထိုင်နေတဲ့ တရုတ်ကြီးရဲ့ အသံကလည်း ထုံးစံအတိုင်း လွှင့်ပျံ့လို့ပေါ့။ အခုနောက်ပိုင်းမှာတော့ ကျွန်တော်ပဲ အိမ်ပြန်နောက်ကျလို့လားမသိ.. ကုလားတို့ရဲ့ ဟင်းချက်တဲ့ အနံ့ပေါင်းစုံကိုလည်း မရတာကြာပြီ။ စိတ်ချမ်းသာတယ်ပေါ့ဗျာ။ 

အဲဒီလိုနဲ့ စိတ်လက်အေးချမ်းတဲ့ ညလေးတစ်ညပေါ့။ မျက်နှာသစ်သွားတိုက်မယ် ဆိုပြီးတော့ မျက်နှာသစ်ခန်းထဲကို ၀င်ခဲ့ပါတယ်။ ကျွန်တော်နဲ့ တစ်တန်းတည်းတက်နေတဲ့ကောင်ကို တွေ့တော့ နှုတ်ဆက်မယ်အပြင် မြင်လိုက်ရတဲ့ မြင်ကွင်းကတော့ အံ့မခန်းပဲ။ မျက်နှာသစ်တဲ့ ဘေဇင်မှာ ခြေထောက်ကို စိမ်ပြီး ခြေဆေးနေတာဗျာ။ စာရှုသူတို့ မျက်လုံးထဲ မြင်ကြည့်လိုက်ပါ။ ခြေထောက်တစ်ချောင်းကို အဲဒီအထဲဝင်ဖို့ အရင်ဆုံးမရမယ်။ ပြီးရင် ကားယားကားယားနဲ့ ထည့်ဆေးရမယ်။ ဘယ်လောက် ကသီနိုင်လိုက်မလဲ။ နောက်တစ်ချက်က သူများတွေ မျက်နှာသစ်တဲ့နေရာမှာ ဒါမလုပ်သင့်ဘူး။ နောက်တစ်ချက်က ရေချိုးခန်းမှာ ဆေးလို့ရရဲ့သားနဲ့ သွားကို မဆေးဘူး။ အံ့ပါ့နော်...။ 

နောက်တစ်ချက်ကလည်း အင်မတန် အံ့သြစရာပါ။ မျက်နှာသစ်သွားတိုက်ဖို့ အခန်းသပ်သပ်၊ တစ်ထပ်ကို ဘေဇင် ၅ လုံးတိတိလုပ်ထားပေးတာတောင် မီးဖိုခန်းထဲက ဟင်းချက်တဲ့ ဘေဇင်မှာ သွားတိုက်မျက်နှာသစ် လာလုပ်ကြတယ်ဗျာ။ တဖက်က ဟင်းချက်ပေါ့။ သူတို့က သွားတိုက်.. ပါးစပ်ထဲက အာပုပ် အပုပ်အားလုံးကို ပန်းကန်ဆေးတဲ့ ဘေဇင်ထဲ ထွေးချပေါ့။  ဘာကြောင့်ဒီလိုလုပ်တာလဲဆိုတာကို နည်းနည်းမှ ကျွန်တော်စဉ်းစားလို့မရဘူးဗျာ။ ဆိုင်ရာဆိုင်ရာနေရာမှာ ဘာလို့ မလုပ်ကြသလဲဆိုတာကိုပေါ့။

ဒီနောက်ပိုင်း ကျွန်တော်ဂျပန်ကောင်လေး ရေချိုးဖို့အတွက် ရေချိုးခန်းကြမ်းပြင်ကို သုတေသန အရင်ဆင်းရတယ်။ သေချာမကြည့်ပဲ ၀င်သွားရင် ဒုက္ခရောက်လိမ့်မယ်ဗျာ။ ဘာလဲဆိုတော့ အဆီတွေ။ ရေချိုးခန်းကြမ်းခင်းမှာ ဆီတွေ ၀ဲပြီး ဝေ့နေတာဗျာ။ ဘာဆီမှန်းလည်းမသိ။ ကျွန်တော်ခံရတာ ၅ ခါမနည်းပဲ။ ဘယ့်နှယ်ကြောင့် ဆီတွေ ရောက်လာသလဲဆိုတာ စဉ်းစားလို့မရဘူး။ အဲဒါနဲ့ပဲ ရေချိုးခါနီးတိုင်း ဒါကို စစ်ဆေးရတာ အကျင့်ကို ပါလို့...။

ကဲ.. ကဲ.. သူများမကောင်းကြောင်းပြောပြီးတော့ ကိုယ့်မကောင်းကြောင်းပြောတော့မယ်...။ အခုတလော ဂျပန်ကောင်လေး အဆိုတော်ရူးရူးနေပါတယ်။ မ၀ါဆီက သီချင်းဆိုတဲ့ ဆိုဒ်လေးကို သိပြီးတဲ့နောက်ပိုင်း ဟဲလိုက်တဲ့ သီချင်းတွေ။ ဖြစ်ချင်တော့ ကျွန်တော်တို့အဆောင်မှာက အသံနည်းနည်းကျယ်ရင်ကိုပဲ တဖက်က ကြားရတယ်မလား။ သူငယ်ချင်းကလည်းပြောပါတယ်။ မင်းတစ်ခါဆိုရင် ဘေး ၂ခန်းကျော်ကကို ကြားနေရတယ်တဲ့။ ဒီလိုနဲ့ ဂျပန်ကောင်လေး သီချင်းတစ်ခါဆိုမယ်ဆိုရင် ဒီအချက်တွေကို ရှောင်ရှားပြီးဆိုနေရပါကြောင်း...

၁) မနက် ၁၂ အထိ မဆိုပါ... အိပ်ရာမထသေးသောသူများ ရှိနေသောကြောင့်..

၂) ည ၈ နာရီကျော်ရင် မဆိုပါ... ညဘက်ဆိုတော့ သူများအတွက် မကောင်းပါ...

၃) ဘေးပတ်ဝန်းကျင် တအားဆူနေသောအခါ မဆိုပါ.. အသံသွင်းတာ မကြည်လို့ပါ...

၎) ဒီလိုနဲ့ ၂၄ နာရီမှာ ကျွန်တော်ဆိုလို့ရသော အချိန် နာရီဝက်လောက်ပဲကျန်တော့တယ်... ကျောင်းလည်းသွားရတာကိုး....

အဲဒါ အဲဒီလို အလိုက်တသိနဲ့ နေပြီးဆိုပေးတာကို ဘေးကတရုတ်ကြီးက ကျွန်တော့်ရှေ့မှာကိုပဲ တရုတ်လို ဘာညာသာရကာ အတင်းနပ်တော့..  ကျွန်တော်ကလည်း သူပြောသော တရုတ်စကားများကို နားလည်သောကြောင့် စိတ်ဆိုးမာန်ဆိုးဖြင့် အောက်ပါသီချင်းအား သူအိပ်လို့ကောင်းနေသော မနက် ၈ နာရီလောက်တွင် အာဗြဲလျှာဗြဲဖြင့် သီဆိုလိုက်ပါကြောင်း... စိတ်ပုပ်စိတ်ယုတ်ဖြင့် မောင်းခတ်လိုက်ပါတယ်... အားလုံး အောင်ပွဲခံသည့်အထိန်းအမှတ်ဖြင့် Cheers...

မြန်မာလူမျိုးတွေမှာ ဆိုရိုးစကားတွေဟာ အရမ်းကို အရေးပါလွန်းပါတယ်။ ဆိုပါစို့ “ရှေးထုံးလည်း မပယ်နဲ့၊ ဈေးသုံးလည်း မကြွယ်နဲ့” ဆိုတဲ့ ဆိုရိုးစကားတစ်ခုထဲနဲ့ကို ချုပ်ထားတော့ ဘာလုပ်လုပ် ဒီစကားကို ကြားယောင်ပြီးတော့ ဆိုရိုးတွေနဲ့ ရိုးရာယုံကြည်မှုတွေဟာ ခေါင်းထဲကို ကန့်လန့်ကန့်လန့် ၀င်ရောက်လာတတ် တာပါပဲ။ တချို့တချို့သော စကားတွေဟာ ကျွန်တော်တို့ဘ၀မှာအင်မတန် အရေးပါတယ်ဆိုပေမယ့် တချို့စကားတွေကျတော့လည်း လက်ခံရမလို လက်မခံရသလို အရမ်းခေါင်းစားပါတယ်။ 

ဟိုးငယ်ငယ်ကပေါ့။ အပေါင်းအသင်းတွေနဲ့ ဇယ်တောက်ကစားမယ်ဆိုရင် အရင်ဆုံး မောင်းထုတ်ခံရပါတယ်။ “သွား.. အိမ်မှာ လာမဆော့နဲ့ လာဘ်ပိတ်တယ်” ဆိုတာမျိုးပေါ့။ ဒီတော့ကျလည်း ခေါင်းလေးတွေ ငိုက်စိုက်ငိုက်စိုက်နဲ့ လူကြီးမရှိတဲ့ အိမ်မှာ သွားတောက်ကြတာပေါ့။ တခါတလေ သြဇာစေ့တွေ တောက်ဆော့ကြပါတယ်။ ကျွန်တော်နိုင်လို့ တပြုံးပြုံးနဲ့ အိမ်သယ်သွားရင် လူကြီးမမြင်အောင် ၀ှက်ထားရတယ်။ အိမ်က ဘာမှ မပြောပေမယ့် တချို့အိမ်တွေမှာ အရိုက်တောင်ခံရတယ်လေ။  အသက်နည်းနည်းလေးကြီးလာတော့ သီချင်းတအေးအေး လေတချွန်ချွန်လေးလုပ်မယ်ပြင်ရင် “လေမချွန်ရဘူး... လာဘ်ပိတ်တယ်. ” လာပြန်ပြီ။ ဒီလာဘ်ပိတ်တာ...။ ဘာပဲပြောပြော.. ဒီလို အတားအဆီးတွေကြောင့် လေကို မချွန်တတ်ခဲ့တာ စလုံးရောက်မှ လေချွန်ပြန်ကျင့်တာ အခုဆို အတော်ကို ကျွမ်းနေပေါ့... :P။

ကျွန်တော်ရှစ်တန်းရောက်တော့ ကျောင်းမှာ ဘင်ခရာအသင်းစလုပ်ပါတယ်။ ကျွန်တော်တို့တွေ သင်တန်းတက်ရတယ်ပေါ့။ ဒီဘင်ခရာမှာ ကျွန်တော်ဒရမ်တီးရတော့ ပုလွေမှုတ်သူတွေလောက် ပုလွေမှုတ်မတော်ဘူးပေါ့။ ဒါနဲ့ မဖြစ်သေးပါဘူး။ ကျင့်ဦးမှဆိုပြီးတော့ အိမ်မှာ ပုလွေမှုတ်ကျင့်တော့ အိမ်က အဖိုးက ငေါက်ပါလေရော။ သူနားအေးပါးအေး မနေရဘူးပေါ့လေ။ အဲဒါ နောက်တစ်နေ့ ဂရုမစိုက်ပဲ ဆက်မှုတ်တော့ ဘာနဲ့လည်းမသိဘူး အပေါက်ခံရတာ..။ ကျွန်တော်လည်း စိတ်ဆိုးပြီး အိမ်ဘေးက ၀ါးရုံတောအောက်မှာ သွားမှုတ်တာပေါ့။ နွေဦးအချိန် လေရူးတွေက တသုန်သုန်နဲ့ တရှဲရှဲမြည်နေတဲ့ ၀ါးရုံပင်အောက်မှာ ပုလွေလေးကို မှုတ်ရင်းနဲ့ အားပါး.... ကောင်းလိုက်တာ... တာာ.... တာ...။ အမလေး... မြွေ.. မြွေ... ။ မြွေတစ်ကောင် စိုက်စိုက်မြိုက်မြိုက်ကို ရောက်လာတယ်ဗျာ။ ကျွန်တော်လည်း ကြောက်အားလန့်အားနဲ့ ပြေးတာ နောက် အိမ်မှာ ပုလွေကို မမှုတ်ရဲတော့ပါဘူး။

ခြေသည်းလက်သည်းရှည်လို့ ညှပ်မယ်ဆိုရင် အိမ်ရှေ့မညှပ်ရတာတို့ ညအချိန် မညှပ်ရတာတို့ ပြောပြန်ရော။ ဒါကို အစက ကျွန်တော် ဘ၀င်မကျဘူး။ လက်သည်းညှပ်တာ ဘယ်နေရာညှပ်ညှပ်ပေါ့။ နောက်တော့ စဉ်းစားကြည့်တယ်။ လက်သည်းညှပ်တယ်ဆိုတာ အညစ်အကြေးတွေကို ရှင်းတာမျိုးပေါ့။ ဒီလိုအလုပ်ကို အိမ်ရှေ့ လူမြင်သူမြင်တဲ့နေရာ လုပ်တာ ဘယ်ကောင်းမလဲလို့ပဲ ယူဆလိုက်ပါတယ်။ နောက် ညဘက်ညှပ်ရင် မမြင်မကန်းနဲ့တို လက်အသားနုတွေ ပါမှာစိုးလို့ထင်တယ်လို့ပဲ ယူဆလိုက်တော့ စိတ်ချမ်းသာသွားရော။ 

ကျွန်တော်အသက်နည်းနည်းကြီးလာတော့ စဉ်းစားတတ်လာတယ်။ အိမ်ရှေ့အိမ်က မျက်နှာသစ်၊ သွားတိုက်ရင် အိမ်ရှေ့မှာ အမြဲလုပ်တယ်။ လူကြီးတွေပြောကြတယ်လေ။ အိမ်ရှေ့မှာ မသစ်နဲ့ လာဘ်ပိတ်တယ် ဘာညာပေါ့။ ဒါပေမယ့် ကျွန်တော့်ဦးနှောက်နဲ့ မီသလောက်မြင်တာကတော့ အိမ်ရှေ့မှာ ဒီလိုလုပ်တာ လာဘ်ပိတ်မပ်ိတ်တာတော့ မသိဘူး။ လုံးဝကို အမြင်မသင့်တာကတော အသေအချာပဲ။ သွားတိုက်လို့ထွက်လာတဲ့ တံတွေး အပုပ်အဟောင်တွေကို ကိုယ့်အိမ်ရှေ့မှာ စွန့်ပစ်တာ ဘယ်ကောင်းမလဲဗျာ။ 

တချို့တချို့သော ကိစ္စတွေက မယုံလို့မဖြစ်တာမျိုးလည်းရှိပါတယ်။ ဥပမာ ကျွန်တော့်အိမ်မှာ တံခါးကို ရှေ့ကနေ နောက်အထိ တည့်တည့်လုပ်ထားပါတယ်။ အိမ်ရှေ့ကနေကြည့်ရင် အိမ်နောက်ဖေးအထိ မြင်ရတယ်ပေါ့ဗျာ။ လူကြီးတွေပြောပါတယ်။ ငွေဝင်လွယ်တယ်.. ပြီးတော့ တန်းပြီး ငွေထွက်လွယ်တယ်တဲ့။ ဒါက ကိုယ်ကိုယ်တိုင်ကြုံတော့လည်း ပြန်ပြင်ဆောက်လိုက်ရတယ်ပေါ့လေ။ 

တခါတလေ မေမေက ပြောပါတယ်။ ကိုယ်မယုံကြည်ပေမယ့် ပတ်ဝန်းကျင်နဲ့ အလိုက်အထိုက်နေရတယ်တဲ့။  ကျွန်တော်ယုံကြည်ကိုးကွယ်တဲ့ ထေရ၀ါဒ ဗုဒ္ဓဘာသာမှာ ဘာသာဝင်စစ်ရိုးမှန်ရင် ဘာအယူမှ မရှိပါဘူး။ အားလုံးဟာ ရုပ်နဲ့ နာမ်ပါပဲ။ ဘယ်အရာမှ မတည်မြဲပါဘူး။ ကျွန်တော့်ဖေဖေဆုံးတုန်းကတော့ မယုံနိုင်လောက်အောင်ကိုပဲ ရိုးရာအယူတွေ များတယ်ဆိုတာကို မြင်လိုက်ရတယ်။ ဖေဖေဆုံးတော့ နယ်မှာဆိုတော့ အိမ်မှာ သုံးရက်လောက်ထားပါတယ်။ အဲဒီမှာ ဖေဖေ့ဓါတ်ပုံကို ခုံတစ်ခုပေါ်မှာ တင်ထားပြီးတော့ ဖယောင်းတိုင်ထွန်းထားပါတယ်။ ပြီးတော့ ကျွေးစရာတွေလည်း တင်ထားပါတယ်။ ဖေဖေ၀ိညဉ်ဘ၀နဲ့ စားဖို့ပေါ့လေ။ တကယ်တော့ နာမ်စိတ်တစ်ခု ပျက်ပြီးတဲ့နောက် ချက်ချင်းမှာပဲ နောက်နာမ်အသစ်ဖြစ်ပေါ်တယ်လေ။ ဖေဖေက ဒီအိမ်မှာ ဆုံးပေမယ့် ဆုံးဆုံးပြီးချင်းပဲ သူ့ဘ၀အသစ်ကို စနေပြီပဲလေ။ လာစားဖို့ ဘာညာဆိုတာ ထေရ၀ါဒမှာ မရှိပါဘူး။ ဒီလိုကျွေးတာကတော့ ကိုယ့်အဖေမို့လို့ ဘာမှ မဖြစ်ပါဘူးလို့ပဲ စိတ်ထဲထားလိုက်မိပါတယ်။ 

ပိုဆိုးလာတာက အလောင်းချတဲ့အခါမှာပါ။ ဖေဖေ့ကို ပိတ်စနဲ့အုပ်ပြီးတော့ မချီကြတယ်။ အဲဒီမှာ ကြားလိုက်ရတာကတော့ အလောင်းကို အိမ်ရဲ့ ဘယ်တိုင် ဘယ်အစိတ်အပိုင်းကိုမှ မထိစေနဲ့တဲ့။ အိမ်ခိုက် လိမ့်မယ်တဲ့။ သြော်... အသက်ရှင်တုန်းကတော့ တန်ဖိုးကြီးလိုက်တဲ့လူ... သေတော့မှပဲ အိမ်ကိုတောင် ယောင်လို့မှ မထိရဘူးတဲ့လား။ အိမ်တံခါးဝကနေ အပြင်ကိုထွက်မယ်လုပ်တော့ လှေကားလေးတစ်ခုကို အောက်မှာ ခင်းလိုက်ပါတယ်။ အဲဒီ လှေခါးကို သီးသန့် ၀ါးနဲ့လုပ်ရတာပါ။ အဲဒီလှေကားကို နင်းပြီး ဒီအလောင်းက ဆင်းရင် လူပျိုပြန်ဖြစ်ပြီး အေးအေးလူလူသွားလိုရာ သွားနိုင်ပါသတဲ့ဗျား။ ကျွန်တော့်မှာ ရယ်ချင်လွန်းတော့ ကြိတ်ကြိတ်ပြုံးနေရတာ။ အဲဒီတုန်းကတော့ အဖေဆိုတဲ့ မွေးသဖခင်ကြီး မီးတွေအောက်မှာ တမြေ့မြေ့လောင်ကျွမ်းသွားလိုက်တာ... ကျွန်တော့်ရင်ခွင်ပိုက်ထဲက ပြာအိုးလေးသာသာပဲ ကျန်ခဲ့တော့တယ်။ 

“မသာတစ်ခေါက် ကျောင်းဆယ်ခေါက်” ဆိုတာကို လွဲပြီး ကလေးတွေကို သင်ပေးကြတာကလည်း ရှိသေးတယ်။ မသာတခါလိုက်ပို့တာ ကျောင်းဆယ်ခေါက်လိုက်ပို့တဲ့ ကုသိုလ်နဲ့ အတူတူပဲ လို့ သင်ပေးကြသတဲ့။ တကယ်က မသာတစ်ခေါက်လိုက်ပို့လိုက်လို့ ရလိုက်တဲ့ သံဝေဂတွေ၊ ရလိုက်တဲ့ တရားတွေဟာ ဘုန်းကြီးကျောင်းမှာ တရား ၁၀ ခါသွားနာရတာထက်တောင် ပိုနိုင်သေးတယ်လို့ ဆိုတာပါ။ ဖြစ်သလို လိုက်ပို့ပြီးတော့တော့ ကုသိုလ်က ဘယ်နားက ရမလဲ။ ငယ်ငယ်ကျောင်းသားဘ၀ကတော့ မသိပါဘူးလေ။ ဒီလိုကြားတော့ မသာဆို လိုက်ပို့ဖို့ လက်ငြှိုးဝိုင်းထောင်ကြတာ မှတ်မိသေး...:)) ။

အဲ... ဖေဖေ့အလောင်းကို တင်ထားတဲ့ ကုတင်က အသစ်စက်စက်လေ။ အဲဒီတော့ ဘေးလူတွေက ဘာပြောသလဲဆိုတော့ အဲဒီကုတင်ကို ဘုန်းကြီးကျောင်းလှူလိုက်ပါလားတဲ့လေ။ အိမ်မှာကျတော့ ထိမှာ ခိုက်မှာစိုးပြီး ဘုန်းကြီးတွေကျတော့ ထိပါစေတော့တဲ့လား ဗုဒ္ဓဘာသာဝင်တို့ရဲ့....။ အဲဒီရိုးရာအယူတွေကို ဆက်သာပြောရင်တော့ ကုန်မယ်မထင်ပါဘူးဗျာ။ မြန်မာလူမျိုးတွေကတောင် နည်းသေးတယ်ပြောရဦးမယ်။

ဘာပဲပြောပြော... အသိစိတ်ဆိုတာ ကိုယ်ကိုယ်တိုင် လုပ်မှ ရမှာမို့လို့ အသိတရားတွေပေးတဲ့ စာပေတွေကို ဖတ်ရှုဖို့ တအားအရေးကြီးပါတယ်။ ဘ၀မှာ မသေမချင်း သတိထားပြီး လုပ်ရမှာပေါ့... ဘာတဲ့။ “ရှေးထုံးလည်း မပယ်နဲ့ ဈေးသုံးလည်း မလွယ်နဲ့” တဲ့.... :)))။

ကောင်လေးတစ်ယောက်နဲ့ ကောင်မလေးတစ်ယောက် အရမ်းကို ချစ်ကြသည်။ 

........................................

ကောင်လေးတစ်ယောက်နဲ့ ကောင်မလေးတစ်ယောက် ကြေကွဲစွာ လမ်းခွဲနှုတ်ဆက်နေကြသည်။ 

......................................

ကောင်လေးတစ်ယောက်.. ကဗျာအိုတွေကြားမှာ နစ်မွန်းနေပြီ.... ။ ကောင်မလေးပေးခဲ့သော အလွမ်းများနဲ့....။

......................................

ကောင်မလေးတစ်ယောက် အိပ်ရာထက်မှာ ငိုကြွေးနေသည်...။  သူ့ကို စွန့်ပစ်ခဲ့သော ကောင်လေးရဲ့ အချစ်တွေကို တမ်းတရင်းနဲ့ပေါ့.....။

......................................

ကောင်လေး လက်ထပ်ခဲ့ပြီ...။  ကောင်မလေးမဟုတ်တဲ့ တခြားသူနဲ့ပေါ့....။ 

.....................................

ကောင်မလေး လက်ထပ်ပြီ။ ကောင်လေးမဟုတ်တဲ့ တခြားသူနဲ့ပေါ့...။

....................................

ကောင်လေးက သူ့ဇနီးကိုပြောတယ်... “မင်းဟာ ငါ့ရဲ့ အချစ်ဆုံးသူပဲတဲ့”။ သားသားမီးမီးတွေကို နမ်းလို့ပေါ့...။ 

.................................

ကောင်မလေး... ရင်ခွင်ထဲက ကလေးငယ်ကို နမ်းရှုံ့ရင်းနဲ့ ခင်ပွန်းကိုပြောတယ်.... “ကို့ကို ချစ်တယ်”တဲ့။

................................

ကောင်လေး... အဖိုးကြီးဖြစ်လာတဲ့ တစ်နေ့... ဇနီးနဲ့ အတူမအိပ်တော့ဘူး..။ မြေးတွေနဲ့ ဆော့တယ်..။ ပြောပါတယ်... “မြေးလေးတွေဟာ အဖိုးရဲ့ အချစ်ဆုံးပဲ”တဲ့...။ 

..............................

ကောင်မလေး.... အဖွားကြီးဖြစ်လာတော့ ခင်ပွန်းကို မပြုစုတော့ပဲ မြေးတွေနဲ့ပဲ ဆော့နေတော့တယ်...။ ပါးစပ်က တဖွဖွပြောတာက “တော့ကို ယူခဲ့တာ ကျုပ်အမှားပဲ” တဲ့...။

.............................

ကောင်လေး... အသက်ကြီးလို့ မေ့တတ်လာတော့ မြေးရယ် သားရယ်.. ဇနီးရယ် မသိတော့ပဲ မေးလိုက် မေ့လိုက် ဖြစ်နေသတဲ့...။ 

............................

ကောင်မလေး... သူငယ်ပြန်ပြီး ဘာကိုမှ မသိတော့ဘူးတဲ့လေ....။

...........................

အဲဒီနေ့က အသုဘနှစ်ခုချတယ်လေ...။ အချစ်ကို မခံစားတတ်တော့တဲ့ ရုပ်အလောင်းပိုင်ရှင် ကောင်လေးနဲ့ ကောင်မလေးတို့ကိုပေါ့။ 

..........................

လေဟာနယ်ထဲက ဘောလုံးနှစ်လုံး တိုက်မိပြီး လွှင့်သွားသလိုပဲပေါ့။ အခုလည်း တခြားဘောလုံးတွေကို တိုက်ပြီး လွှင့်သွားပြန်ပြီ။ သြော်... ဘောလုံးတွေ အများကြီးမျောနေပါလား....။ ဒီဘောလုံးနှစ်လုံးလည်း ပြန်တိုက်လာနိုင်တာပဲလေ....။ 

ဘ၀သံသရာဆိုတာ လေဟာနယ်ထဲက ဘောလုံးတွေပါပဲ။ အခုဆက်ဆံပေါင်းသင်းနေရသောသူများ၊ ချစ်သူ ရည်းစား မိသားစုများ.. ဒီဘ၀မှာ တိုက်မိတာပါ။ မကြာခင်ပဲ အဝေးကို လွင့်သွားမှာကို ကြိုပြင်ရမှာပေါ့။ နောင်ကျတော့ကော ဘယ်သူတွေနဲ့ တိုက်ဦးမှာလဲ... ။ ဒီလိုပဲ တိုက်နေမှာလား....။

လူတိုင်းဟာ အမှားနဲ့ မကင်းနိုင်ပါဘူး။ ဒါကြောင့် ခဲတံမှာ ခံဖျက်တပ်ထားပေးတာပေါ့။  လူ့စိတ်ဆိုတာ လေထီးတစ်ခုလိုပါပဲ။ မဖွင့်ချလိုက်ပဲနဲ့ ဘာမှ ဆက်ဖြစ်လာမှာ မဟုတ်ဘူး။ စိတ်ကို ပေါ့ပေါ့ပါးပါး လွှတ်ပေးလိုက်တဲ့အခါမှာ ကိစ္စအတော်များများ အလိုလိုပြီးသွားတတ်ပါတယ်လေ။ 

ပျင်းလွန်းလို့ အဖော်ဆိုတာကို လိုက်ရှာနေရင် လူမိုက်ဖြစ်နေပြီလို့မှတ်ပါ။ ဒီရက်တွေမှာ ကျွန်တော်ဟာ အကြီးစား လူမိုက်တစ်ယောက်ဖြစ်နေခဲ့တယ်။ ဘယ်သူတွေကိုမှ မယုံကြည်အပ်သလို ဘယ်သူ့ကိုမှ ကိုယ့်အကြောင်း အကုန်မပြောသင့်ပါဘူး။ ဘယ်အရာမှ မမြဲတဲ့ သင်္ခါရသဘောကို ကြားဖူးပြီး နားမလည်ရင် မထူးဘူးလေ။ လူ့စိတ်ဆိုတာ သင်္ခါရကို ဘယ်လွန်ဆန်နိုင်မလဲ။  ဒါကို သဘောပေါက်ရင်တော့ ရန်လည်းဖြစ်စရာမလို..စိတ်မကောင်းလည်း ဖြစ်စရာမလိုတဲ့ အေးချမ်းတဲ့ဘ၀ကို ရနိုင်တာ အသေအချာပဲလေ... ဟုတ်..။ 

ကံငါးပါးမှာ မုသာဝါဒကံဟာ အပြစ်အကြီးဆုံးတဲ့။ ဒါဆို ဒုက္ခပဲ..။ နေ့တိုင်း လိမ်လိုက်ရတဲ့ အလိမ်။ မြှောက်ထိုး ပင့်ကော်ပြောလိုက်ရတာ အမော..။ “မုသားမပါ လင်္ကာမချော” တဲ့။ ဘယ်သူတွေ ထွင်ထားတယ်မသိပေမယ့် ဒါအမှန်ပဲ။ ဒါမှန်တယ်ဆိုတာ သိနေတဲ့အချိန်မှာ ဒါဟာ တကယ့်အမှားဆိုတာကိုလည်း သိနေတော့ တမျိုးပဲ။ 

ဘ၀မှာ အရှင်းဆုံးနေထိုင်တာ အဓိပ္ပါယ်အရှိဆုံးပဲ။ ကိုယ်ပြုံးပြလို့ သူပြန်မပြုံးပြလည်း စိတ်ထဲမထားနဲ့။  သူကိုယ့်အကြောင်း အတင်းပြောနေလည်း စိတ်ထဲမထားနဲ့။ ဒေးကာနက်ဂျီက သင်ပါတယ်။ ကျွန်တော်လည်း လေ့လာပါတယ်။ အရမ်းခက်ခဲလွန်းလို့ ပေါင်းသင်းဆက်ဆံရေး မကောင်းလည်း နေပါတော့လို့ အကြိမ်ကြိမ်လက်လျှော့ဖူးသည်။ ဘ၀ကို သီအိုရီတွေနဲ့ ချတွက်လို့မှ မရပဲနော့။ 

ကိစ္စအတော်များများမှာ အတည်ပေါက် လေးလေးပင်ပင်တွေးတတ်တဲ့ ကိုယ့်ကိုယ်ကို တခါတလေ ပေါ့ပေါ့ပါးပါးနေခိုင်းကြည့်တယ်။ မရ..။ ဘာမဆိုအလေးမထားတတ်တဲ့ ဘ၀လေးမှာ ခဏလေး နေကြည့်မလားလို့။ ခံစားရတဲ့ မျက်ရည်ကို သုတ်ချ... ပါးစပ်က တဟားဟားနဲ့ ရယ်တတ်တဲ့ စိတ်ကလေး ဘာလို့များ မပါလာတာပါလိမ့်..??? 

ဒီလိုပဲနော့... “လမင်းကို ခွေးဟောင်လို့ ရွှေလရောင် ပြောင်မပျက်တယ်.. ထွန်းလျက်ပင်သာ” တဲ့...။  ဒါပေမယ့် ကိုယ်ကိုယ်တိုင်ကတော့ ခွေးကမှ မဟောင်ခင် အပြောင်က ပျက်ချင်နေတတ်တော့ လမင်းမစစ်လို့ထင်ပါ့ကွယ်...။  “ဂိမှန်နွေဦး.. ပိတောက်တွေဖူးတဲ့ဒီရာသီ” ဆိုနေကြပါတယ်..။ ပိတောက်မရှိတဲ့ အရပ်မှာ မရတာ တမ်းတတော့ ဘာတတ်နိုင်မတုန်းဗျာ...။  ဂလိုပဲပေါ့... မရနိုင်တဲ့ အကြင်နာ နွေးထွေးမှု ခင်မင်မှုတွေကို တမ်းတမှတော့ “လေထဲ လက်သီးထိုး” သလိုဖြစ်နေမပေါ့ဗျာ။ 

“မာနဆိုတာ ရှိပါ..မကြီးပါနဲ့” လို့ ကြားဖူးသလိုလိုပဲ...။ ဒါပေမယ့်လည်း ကိုယ်တိုင်အထိခံလိုက်ရတဲ့အခါမှာ မာနတွေနဲ့ တင်းကနဲ ၀င်းကနဲ ဖြစ်သွားတဲ့ အကြည့်လေးတွေ.. အမယ်လေးဗျာ... တွေးရင်းနဲ့ သားသားကြောက်လာပြီ။ “ဆင်သေကို ဆိတ်သားရေနဲ့ ဖုံးမရ” ဆိုသလို မာနကို မတောက်တခေါက် အသိကလေးနဲ့ ဖုံးထားလို့မှ မရပဲနော....။ “ဆင်ကျီစားရာ ဆိတ်မခံသာ” တဲ့။ ရွှတ်နောက်တတ်တဲ့ သူရဲ့ ကျီစားမှုကို မာနကြီးသူတို့ မခံနိုင်တာသင်ခန်းစာယူစရာပဲ။ 

“အရေးကြီး သွေးနီးရာ” တဲ့။ ခက်တာက သွေးကို ဘယ်နားလိုက်ရှာရမှန်း မသိဘူး။ မပူပါဘူး။ အင်တာနက်က ဟစ်လိုက်မယ်လေ... :P ။ “စိန်နားကပ်ရောင်နဲ့ ပါးပြောင်” ဆိုတာ ကြားဖူးရဲ့သားနဲ့ သူများနိုင်ငံမှာလာ ပါးပြောင်နေတာကို မြင်တော့လည်း သွေးနီးချင်စိတ် နည်းနည်းသွားသလိုလို....။ သွေးနီးဖို့ ကြိုးစားရင်းနဲ့ “ရေနစ်သူ ၀ါးကူလို့ထိုး” ဖြစ်ခဲ့ရတဲ့ သာဓကတွေကလည်း ရှေ့မှာ များတော့ ကြောက်သလိုလိုပဲ.... ။ 

ကဲကဲ... ပြောရင်းဆိုရင်းနဲ့ အနှောင့်မလွှတ် အသွားမလွှတ် ဖြစ်ရော့မယ်။ အတူ့ကို မှ ရည်ရွယ်ဝူးနော။  ဂနေ့တော့ ဟိုဟိုသည်သည်ပေါ့...။ ဒါနဲ့စကားမစပ် ဒီနေ့ ကြက်တောင်ပံ ကင်စားတယ်ဗျား..။ စားသွားဦးနော့... :P..

သုနာဒတိုင်းသူပြည်သားတို့မှာ ထိုနေ့ရက်များကို လွန်စွာ တမ်းတနေမိသည်။ ဘယ်နေရာ ဘယ်ဒေသသို့ ရှာဖွေပါသော်လည်း မတွေ့ရှိနိုင်တော့ပဲ ဒဏ္ဍာရီပုံပြင်အဖြစ် လက်ဆင့်ကမ်းခဲ့ရသည့် အဖြစ်သို့ ရောက်ရှိလာခဲ့သည်။  

.....................................

တခါတုန်းကပေါ့...။ လူသားတွေနဲ့အပြိုင် ဥာဏ်ရည်ထက်မြက်လွန်းတဲ့ ကျေးငှက်လေးတွေ အုပ်စိုးခဲ့တဲ့ ကာလရှိခဲ့လေသည်။ သုနာဒတိုင်းပြည်၏ တောင်စဉ်ထူပြောသော ဒေသတ၀ိုက်။ စိမ်းစိုအုပ်မှိုင်းသော တောအုပ်များကြားတွင် ကမ္ဘာဦးတေးဆိုငှက်တို့ ကျက်စားပျော်မြူးခဲ့ကြပေသည်။ ထိုငှက်တို့သည် တစ်မျိုးနွယ်လုံးစုစည်းနေထိုင်ကြပြီး ထိုတောအုပ်များထဲတွင်သာ ကျက်စားတတ်လေ့ရှိသည်။ ဥာဏ်ရည်ထက်မြက်ပြီး တေးဆိုရာတွင် သူမတူအောင်ထူးချွန်ကြသော ငှက်ကလေးများဖြစ်သည်။

တလောကလုံး မှောင်မိုက်၍ လူသားများအိပ်မောကျနေစဉ်တွင် သီချင်းသံများစတင်တွန်ကျူးလာကြသည်။  စတင်ဆိုညည်းရာတွင် တစ်ကောင်သော ငှက်ငယ်က စတင်ပြီး ထိုနောက်မှာတော့ တစ်ကောင်ပြီးတစ်ကောင် ပါဝင်သီဆိုလာကြသည်။ နောက်ဆုံးတွင် ငှက်တမျိုးနွယ်လုံး သံပြိုင်သီဆိုကြလေတော့သည်။  အိပ်ရာထက်မှ လူသားများသည် ပထမဆုံးငှက်ငယ်လေးသီဆိုချိန်တွင် စိတ်နှလုံးများနူးညွှတ်ပျော့ပျောင်းလာခဲ့ကြသည်။  ထို့နောက် ငှက်အနည်းငယ် ပါဝင်သီဆိုသည့် အချိန်မှာတော့ ခံနိုင်ရည်ကင်းမဲ့စွာ မျက်ရည်များတွင်တွင် စီးကျလာတတ်သည်။ တစ်ယောက်နှင့် တစ်ယောက်ဖက်ကာဖြင့် ကြည်နူးစွာ ငိုကြွေးကြရသည်။ ငှက်များအားလုံးသံပြိုင်သီဆိုသည့်အချိန်တွင် လူသားများ၏ စိတ်တွင် ခွန်အားများပြည့်ဖြိုးလာခဲ့သည်။ အားမာန်အဟုန် တက်ကြွလာကြသည်။ အားလုံးအဆုံးတွင်တော့ လူသားများ ပျော်ရွှင်စွာ အိပ်မောကျသွားခဲ့တော့သည်။ 

နံနက်မိုးသောက်လာလျှင် လူသားများမှာ ဒေါသ၊ မောဟ၊ မာန်မာန ဘာတစ်ခုမှ မရှိကြပဲ တစ်ဦးနှင့် တစ်ဦး မေတ္တာထားကာ ကူညီရိုင်းပင်းကြသည်။ တစ်ယောက်တစ်လက် ၀ိုင်းဝန်းလုပ်ဆောင်ကြရင်း တိုင်းပြည်ကြီးမှာ လွန်စွာသာယာဝပြောလာခဲ့တော့သည်။ ခိုးဆိုးလုယက်မှု ဘာတစ်ခုမှ မရှိပဲ အေးချမ်းလွန်းသည့် တိုင်းပြည်ကြီးမှာ ထိုငှက်ငယ်လေးများကို ဘုရင်မင်းမြတ်အဖြစ် တင်မြှောက်ခဲ့ကြသည်။  

..................................

တောအုပ်တို့ အလယ်တစ်နေရာ...။ တေးဆိုငှက်တို့သည် တစုံတခုကို ၀ိုင်းအုံကြည့်နေကြသည်။  နီရဲစွေးနေသော အရည်အနည်းငယ်ပင်ဖြစ်သည်။ ဘယ်ကရောက်လာသည်မသိသော ထိုအရာကို စူးစမ်းကြည့်ရင်း အမျိုးမျိုးဝေဖန်ပိုင်းခြားကြည့်ကြသည်။  ထိုစဉ် ငှက်တစ်ကောင်က ထိုအရည်ကို အနီးကပ် နမ်းကြည့်လိုက်သည်။ 

“အမောင်တို့... ဤအရည်သည် အနံ့စူးလှပါတကား..... ”

ထို့နောက် သူသည် ရှေ့တလှမ်းတိုးကာ အနည်းငယ်သောက်ကြည့်လိုက်သည်။ 

“အမောင်တို့... ဘာအရသာမှ မရှိသော အရည်ပါတကား.... ။ တို့တမျိုးလုံးအတွက် အကျိုးမရှိသော အရာပင်ဖြစ်လိမ့်မည်။ ၀ိုင်းဝန်းဖျက်ဆီးကြပါစို့..” 

ထို့နောက် ငှက်ငယ်တို့သည် ထိုအရည်အား ၀ိုင်းဝန်ဖျက်ဆီးလိုက်ကြပေတော့သည်။ 

နောက်တစ်နေ့တွင် ထိုနီစွေးသောအရည်မှာ ထပ်မံရှိနေပြန်လေသည်။ ငှက်မျိုးတို့မှာ လွန်စွာ သိချင်စိတ်ပြင်းပြရာ စမ်းသောက်ကြည့်ရန် ဆုံးဖြတ်ကြသည်။ ငှက်တစ်ကောင်က စမ်းသောက်ကြည့်ပြီး ဘာအရသာမှ မရှိသောကြောင့် အကျိုးမရှိကြောင်းပြောကာ ၀ိုင်းဝန်းဖျက်ဆီးလိုက်ကြပြန်သည်။ 

ထူးဆန်းစွာပင် ထိုအရည်သည် နေ့စဉ်အလိုလိုရောက်နေတော့သည်။ ထိုအခါ ငှက်တို့သည် ထိုအရည်ကို အရေးမလုပ်ကြရန် ဆုံးဖြတ်လိုက်ကြပြီး ဖျက်လည်းမဖျက်ဆီး၊ လှည့်လည်းမကြည့်ပဲ နေခဲ့ကြသည်။

ထိုငှက်တို့သည် ပုံမှန်အတိုင်းပင် ညစဉ်ညတိုင်း သံပြိုင်သီချင်းများသီဆိုနေလေ့ရှိကြသည်။ တနေ့ညမှာတော့ ထိုအရည်ကို ပထမဆုံးစမ်းသောက်ထားသော ငှက်ငယ်က “အမောင်တို့ ဒီနေ့ည ကျွန်ုပ်စဆိုပါရစေ.. သီချင်းသီဆိုရာတွင် ကျွန်ုပ်၏အသံအလွန်ကောင်းကြောင်း ပြပါရစေ...” ဟု တောင်းဆိုလိုက်လေသည်။  အေးချမ်းသာယာသော ငှက်အပေါင်းတို့က မကန့်ကွက်ကြပဲ ဆိုခိုင်းလေတော့သည်။  ထိုနေ့ညက ထိုငှက်ငယ်အစချီလိုက်သော သီချင်းသံသည် အလွန်ကောင်းလွန်းသောကြောင့် ထိုငှက်ဆိုနေဆဲမှာပင် လူသားများ အပြိုင် မျက်ရည်ကျခဲ့ကြရသည်။ ငှက်အပေါင်းတို့မှာ ကောင်းချီးသြဘာပေးခဲ့ကြလေသည်။ 

နောက်တစ်ညရောက်တော့ ထိုအရည်ကို ဒုတိယအကြိမ်စမ်းသောက်ထားသော ငှက်က သူဆိုလိုကြောင်း တောင်းဆိုလာပြန်သည်။ ငှက်များကလည်း ခွင့်ပြုကြသည်။ ထိုငှက်ဆိုနေဆဲမှာပင် လူသားများ၏ မျက်ရည်တို့သည် မိုးသို့လျှံခဲ့ရသည်အထိ ကြည်နူးဖွယ်ကောင်းလှသည်။ ထိုအခါ ငှက်တို့သည် စဉ်းစားကြသည်။ ထိုငှက်နှစ်ကောင်တို့သည် ထိုအရည်ကိုသောက်ပြီး အတိုင်းထက်အလွန်သာသော တေးသီချင်းများ သီဆိုနိုင်ကြသည်။ ငါတို့လည်း သောက်ချေမှ ဟု တွေးမိကာ အားလုံး ၀ိုင်းသောက်ကြလေသည်။

နောက်တစ်နေ့ညရောက်တော့ အားလုံးသော ငှက်များက သီဆိုလိုနေကြသည်။ မိဘဘိုးဘွားတို့ တားမြစ်သော်လည်း မရ။ သူဆိုလိုသည် ငါဆိုလိုသည် ဟုဆိုကာ ၀ိုင်းဝန်းငြင်းခုန်ကြသည်။  ဘိုးဘွားတို့က ၀ိုင်းဝန်းစဉ်းစားကြပြီး ဘယ်သူမှ မဆိုပဲ အားလုံးဝိုင်းဆိုရန် အမိန့်ပေးခဲ့သည်။ ထိုနေ့မှ လွန်သော် ငှက်တို့သည် သူ့အသံကောင်းသည် ငါ့အသံကောင်းသည်ဟုဆိုကာ ပြိုင်ဆိုင်လိုလာကြသည်။ ဟိုးအရင်က တစ်ကောင်ဆိုနေချိန်တွင် အားလုံး ပြုံး၍နားဆင်ကြသော်လည်း အခုတော့ တစ်ယောက်ဆိုရင် ကျန်တစ်ယောက်ပါဆိုသည်။ ထိုအခါ အသံများရှုပ်ထွေးလာပြီး စိတ်ညစ်ဖွယ်ရာ ဆူညံပွက်လောရိုက်နေပေတော့သည်။ 

ထို့နောက်တွင်တော့ ငှက်တို့အကြား ငြင်းခုန်မှုတွေ များလာသည်။ သံပြိုင်မဆိုတော့ပဲ သူတလူငါတမင်း သီဆိုလာကြသည်။ တစ်ယောက်နှင် တစ်ယောက်စောင်းချိတ်လာကြသည်။ တစ်ယောက်နှင့် တစ်ယောက် တိုက်ခိုက်လာကြသည်။ ထိုးဆိတ်လာကြသည်။

......................

သုနာဒပြည်တွင် တေးသီချင်းများ မကြားရသည်မှာ ကြာမြင့်လာခဲ့ပြီ။ ထိုတောအုပ်များသို့ သွားရောက်ရှာဖွေပါသော်လည်း တေးဆိုငှက်တို့ကို မတွေ့ရတော့ပါ...။ ထိုငှက်တို့၏ အသံကို လူသားတို့ ငတ်မွတ်လာကြသည်။ ငတ်မွတ်သလောက် နားမဆင်ရသည့်အတွက် ဒေါသများထွက်လာကြသည်။ အချင်းချင်းရန်မူတတ်လာကြသည်။ တိုင်းပြည်ကြီးသည် ဆိုးသွမ်းတိုက်ခိုက်မှုများ တဖြည်းဖြည်းပေါများလာခဲ့တော့သည်။  ဤတေးဆိုငှက်ပုံပြင်လေးကတော့ အိပ်ရာဝင်ပုံပြင်အဖြစ် လက်ဆင့်ကမ်းလာခဲ့သည်မှာ ယနေ့တိုင်ဖြစ်နေတော့သည်။

(စာကြွင်း။     ။ တေးဆိုငှက်တို့ သောက်သုံးခဲ့သည့် အရည်ဆိုသည်မှာ မာန်နတ်က ဖန်တီးပစ်ချပေးလိုက်သော အရာတစ်ခုဆိုသည်ကို ယနေ့ထက်ထိ လူသားများ မသိကြပါလေ။ ထိုအရည်သည် သေရည်လည်းမဟုတ်ပါ။ ဘာမှ မဟုတ်သောအရည်လေးပင်ဖြစ်သည်။ သို့သော် ထိုအရည်လေးထဲတွင် “ငါသည် သူများထက် ထူးချွန်ပါသည်။ ကျန်သောသူများသည် ငါ့အားမမီပါလေ” ဟူသော “တလွဲမာန” လေးတစ်ခုသာ ပါဝင်သည်။ ထိုအရည်မသောက်မီက ငှက်တို့သည် မိမိတို့အသံကောင်းကြောင်းကို ဘယ်တော့မှ မမော်ကြွားကြပါ။ အားလုံးသော ငှက်များ တူညီသော အရည်အချင်းရှိသည်ဟု လက်ခံခဲ့ကြသည်။ သို့သော်လည်... ထို့နောက်တွင်တော့........)