အတိတ်က ညလေးတစ်ည

လက်ထဲက ဒိုင်ယာရီထဲမှာ ကဗျာတစ်ပုဒ် ချရေးကြည့်သည်....

သည်းဦးပန်း

မငြိုးနွမ်းမယ့်

သည်းဦးပန်းလေးမို့..

မောင့်ရင်ထဲမှာ..

ထာဝရ ပန်ထားချင်တယ်...

အချစ်နဲ့စစ်မှာ

မတရားတာ မရှိဘူးဆိုပေမယ့်

မင်းအချစ်ရဖို့..

မောင်တိုက်စစ်မဆင်ပါဘူး....

ကောင်းကင်ထက်က

လမင်းလေးလိုပဲ

မင်းလေးကို မောင်..

မော့ကြည့်ခွင့်လေးရရင်..

မောင်ကျေနပ်ပါပြီကွယ်...

အချိန်က ညစာကျက်ချိန်ပါ။ ၈ နာရီလောက်ပေါ့။ နေရာကတော့ နယ်မြို့ကလေးက အိမ်လေးမှာပါ။ အချိန်ကတော့ ကျွန်တော် ၁၄ နှစ်အရွယ် ကိုးတန်းကျောင်းသားတုန်းကပါ။

စာကျက်ရင်းနဲ့ ရင်ထဲမှာ ဆွေးမြေ့လာတယ်။ တိတ်ဆိတ်ငြိမ်သက်နေတဲ့ မြို့ကလေးမှာ ဘာသံမှ မကြားရပဲနဲ့ ကျွန်တော့်စာကျက်သံလေးပဲ တိုးတိုးထွက်လာတော့ ရင်ထဲမှာ တမျိုးပဲ။ တခါတခါ အဝေးက ဆွဲငင် အူလိုက်တဲ့ ခွေးဟောင်သံတွေက ထွက်လာလိုက် တိတ်သွားလိုက်ပေါ့။  အိပ်ခန်းသုံးခန်း၊ ဧည့်ခန်း၊ ဘုရားခန်း၊ ကျယ်ဝန်းတဲ့ မီးဖိုချောင်တွေပေါင်းထားတဲ့ ဒီအိမ်လေးမှာ ကျွန်တော်တစ်ယောက်တည်းပါ။ လျှပ်စစ်မီးလာပေမယ့် မီးအားတအားနည်းလို့ မီးချောင်းတောင် မထွန်းနိုင်ပါဘူး။ ဘက်ထရီမီးလေးကို အားကိုးရင်းနဲ့ပဲ ကျွန်တော် စာကျက်ဖို့ ကြိုးစားနေမိပါသည်။ 

မျက်လုံးက ကုတင်ပေါ်မှာ တင်ထားတဲ့ သိုင်းဝတ္ထုဆီကို ခဏခဏရောက်နေပေမယ့် မနက်ဖြန်မှာ ဆိုရမယ့် စာရှိနေတော့ မရမချင်း ကျက်ရဦးမယ်လေ။ အိမ်အပြင်မှာ ပတ်ပြေးနေတဲ့ ကျွန်တော့်ခွေးလေး နီတိုးအသံကို ကြားလိုက်မိတော့ စိတ်ထဲ တကယ်ပဲ လုံခြုံသွားသည်။  ဓါတ်မီးလေးကို ထိုးပြီး မီးဖိုချောင်ထဲကို ထွက်ခဲ့မိသည်။ ကွေကာအုပ်တစ်ထုပ်ဖျော်လိုက်သည်။ မှောင်မည်းတိတ်ဆိတ်နေသော ဒီအိမ်ထဲမှာ ကျွန်တော်တစ်ယောက်တည်းသာ သက်ရှိ အဖြစ် နေထိုင်နေသည်။

ညဘက် မိုးချုပ်စပြုတာနဲ့ အိမ်တံခါးတွေကို အလုံပိတ်ရသည်။ ကျွန်တော့်အိမ်က အစွန်ဆုံး။ ကျယ်ဝန်းသော ခြံဝင်းထဲမှာ မခုတ်ထစ်ရသေးသည့် မြက်ကိုင်းတို့က ရှည်လာသည့်အတွက် ဘယ်လို ရန်သူပုန်းအောင်းနေမယ် ဆိုတာ မသိနိုင်ဘူးလေ။ ဒါနဲ့ပဲ တံခါးတွေ ပြူတင်းပေါက်တွေကို ပိတ်တိုင်း အထက်အောက် အသေအချာ စစ်ပိတ်ရသည်။ အိမ်သာက အိမ်နောက်ဖေး ကိုက်တစ်ရာ အကွာမှာ ရှိသည်။ ထိုအိမ်သာဘေးမှာ ငါးကန်နှစ်ကန်။ ထိုအိမ်သာနောက်မှာ အုပ်မှိုင်းစိမ်းစိုသော ပိန္နဲပင်။  အမှန်အတိုင်း ၀န်ခံရလျှင် ဒီလို အခြေအနေမှာ ညဘက် အပြင်ဘက်ကို အိမ်သာမသွားရဲပါ။ သရဲကိုကြောက်လို့မဟုတ်ပဲ မမြင်ရသည့် အမှောင်ရိပ်ကို ကျွန်တော်စိုးရွံ့သည်။ ဒါကြောင့် ညမိုးချုပ်ခါနီးတိုင်း ရေအိုး၊ သေးအိုး အစုံ ကျွန်တော့်အခန်းမှာ ချထားရသည်။

ကျွန်တော် တခါတခါ အိပ်မက်ယောင်တတ်သည်။ တခါက အိပ်နေရင်းနှင့် ကုတင်ထက်မှ ကျွန်တော်ထသည်။ စိတ်ကလည်း သိနေသည်။ အဲဒီနောက် သေးပေါက်သည်။ အောက်ပိုင်းတစ်ခုလုံး စိုရွှဲသွားအောင် သေးပေါက်သည်။ ဒါကိုလည်း သိသည်။ အဲဒီနောက် ရေချိုးခန်းသွားပြီး အောက်ပိုင်းတစ်ခုလုံး ဆေးကြောကာ ဘောင်းဘီအသစ်လဲသည်။ အဲဒီနောက် အိပ်ရာထဲပြန်ဝင်သည်။ အဲဒီနောက် ကျွန်တော် အိပ်ပျော်သွားသည်။ မနက်မိုးလင်းလာတော့ ကျွန်တော်တခုမှ မမှတ်မိပါ။ တခါတလေ စဉ်းစားမိသည်။ တစ်ယောက်တည်းနေရတဲ့ ဘ၀မှာ ညည အိပ်မက်ဆိုးတွေမက်လို့ ယောင်တာတောင်မှ ဘယ်သူမှ မသိပါလားလို့ပေါ့။ တခါတလေ ၀မ်းနည်းလွန်းလို့ မျက်ရည်တွေ ကျမိသည်။ ဖေးမမယ့်သူ ဘေးမှာ မရှိတော့လည်း ကိုယ့်ဟာကိုယ်ပဲ ဖေးမတတ်အောင် ကြိုးစားခဲ့သည်။ ဒီလိုနဲ့ပဲ ကျွန်တော်အားအင်တွေ ပြည့်ဝခဲ့သည်။

လက်ထဲက ကဗျာလေးကို ပြန်ဖတ်မိသည်။ စာလည်းရပြီမို့ စာအုပ်ကို ပိတ်ပြီး ကုတင်ထက်မှာ လှဲလျောင်းနေမိသည်။ အပြင်မှာ နီတိုးလေး ပြေးလွှားဆော့ကစားနေဆဲ။ ညကလည်း တဖြည်းဖြည်း မှောင်မိုက် သိပ်သည်းလာဆဲ...။ ကျွန်တော်လည်း မကြာခင်မှာ သိုင်းဝတ္ထုထဲမှာ နစ်မြောသွားတော့မည် ဖြစ်သည်။

အိမ်နီးချင်းများနဲ့ ကျွန်တော်...

ကျွန်တော်နှင့်အိမ်နီးနားချင်းများ ဆိုတာရဲ့ အဆက်လို့ပြောရမလား။ နည်းနည်းတော့ ပြောင်းပြန်ဆန်သွားမယ် ထင်ပါတယ်။  ဒီတစ်ခါ သောင်းကျန်းသူကတော့ ကျွန်တော်ကိုယ်တိုင်ပါ.. ဟဲ.. ဟဲ။ 

အရင်တစ်ပုဒ်မှာ ရေးခဲ့သလိုပဲ ဇာတ်လမ်းဇာတ်ကွက်တွေကတော့ နေထိုင်လာတဲ့သက်တမ်း ကြာမြင့်ခဲ့သည့်တိုင် မပြောင်းလဲပါဘူး။ စပီကာတပ်ပြီး ချတ်တင်ထိုင်နေတဲ့ တရုတ်ကြီးရဲ့ အသံကလည်း ထုံးစံအတိုင်း လွှင့်ပျံ့လို့ပေါ့။ အခုနောက်ပိုင်းမှာတော့ ကျွန်တော်ပဲ အိမ်ပြန်နောက်ကျလို့လားမသိ.. ကုလားတို့ရဲ့ ဟင်းချက်တဲ့ အနံ့ပေါင်းစုံကိုလည်း မရတာကြာပြီ။ စိတ်ချမ်းသာတယ်ပေါ့ဗျာ။ 

အဲဒီလိုနဲ့ စိတ်လက်အေးချမ်းတဲ့ ညလေးတစ်ညပေါ့။ မျက်နှာသစ်သွားတိုက်မယ် ဆိုပြီးတော့ မျက်နှာသစ်ခန်းထဲကို ၀င်ခဲ့ပါတယ်။ ကျွန်တော်နဲ့ တစ်တန်းတည်းတက်နေတဲ့ကောင်ကို တွေ့တော့ နှုတ်ဆက်မယ်အပြင် မြင်လိုက်ရတဲ့ မြင်ကွင်းကတော့ အံ့မခန်းပဲ။ မျက်နှာသစ်တဲ့ ဘေဇင်မှာ ခြေထောက်ကို စိမ်ပြီး ခြေဆေးနေတာဗျာ။ စာရှုသူတို့ မျက်လုံးထဲ မြင်ကြည့်လိုက်ပါ။ ခြေထောက်တစ်ချောင်းကို အဲဒီအထဲဝင်ဖို့ အရင်ဆုံးမရမယ်။ ပြီးရင် ကားယားကားယားနဲ့ ထည့်ဆေးရမယ်။ ဘယ်လောက် ကသီနိုင်လိုက်မလဲ။ နောက်တစ်ချက်က သူများတွေ မျက်နှာသစ်တဲ့နေရာမှာ ဒါမလုပ်သင့်ဘူး။ နောက်တစ်ချက်က ရေချိုးခန်းမှာ ဆေးလို့ရရဲ့သားနဲ့ သွားကို မဆေးဘူး။ အံ့ပါ့နော်...။ 

နောက်တစ်ချက်ကလည်း အင်မတန် အံ့သြစရာပါ။ မျက်နှာသစ်သွားတိုက်ဖို့ အခန်းသပ်သပ်၊ တစ်ထပ်ကို ဘေဇင် ၅ လုံးတိတိလုပ်ထားပေးတာတောင် မီးဖိုခန်းထဲက ဟင်းချက်တဲ့ ဘေဇင်မှာ သွားတိုက်မျက်နှာသစ် လာလုပ်ကြတယ်ဗျာ။ တဖက်က ဟင်းချက်ပေါ့။ သူတို့က သွားတိုက်.. ပါးစပ်ထဲက အာပုပ် အပုပ်အားလုံးကို ပန်းကန်ဆေးတဲ့ ဘေဇင်ထဲ ထွေးချပေါ့။  ဘာကြောင့်ဒီလိုလုပ်တာလဲဆိုတာကို နည်းနည်းမှ ကျွန်တော်စဉ်းစားလို့မရဘူးဗျာ။ ဆိုင်ရာဆိုင်ရာနေရာမှာ ဘာလို့ မလုပ်ကြသလဲဆိုတာကိုပေါ့။

ဒီနောက်ပိုင်း ကျွန်တော်ဂျပန်ကောင်လေး ရေချိုးဖို့အတွက် ရေချိုးခန်းကြမ်းပြင်ကို သုတေသန အရင်ဆင်းရတယ်။ သေချာမကြည့်ပဲ ၀င်သွားရင် ဒုက္ခရောက်လိမ့်မယ်ဗျာ။ ဘာလဲဆိုတော့ အဆီတွေ။ ရေချိုးခန်းကြမ်းခင်းမှာ ဆီတွေ ၀ဲပြီး ဝေ့နေတာဗျာ။ ဘာဆီမှန်းလည်းမသိ။ ကျွန်တော်ခံရတာ ၅ ခါမနည်းပဲ။ ဘယ့်နှယ်ကြောင့် ဆီတွေ ရောက်လာသလဲဆိုတာ စဉ်းစားလို့မရဘူး။ အဲဒါနဲ့ပဲ ရေချိုးခါနီးတိုင်း ဒါကို စစ်ဆေးရတာ အကျင့်ကို ပါလို့...။

ကဲ.. ကဲ.. သူများမကောင်းကြောင်းပြောပြီးတော့ ကိုယ့်မကောင်းကြောင်းပြောတော့မယ်...။ အခုတလော ဂျပန်ကောင်လေး အဆိုတော်ရူးရူးနေပါတယ်။ မ၀ါဆီက သီချင်းဆိုတဲ့ ဆိုဒ်လေးကို သိပြီးတဲ့နောက်ပိုင်း ဟဲလိုက်တဲ့ သီချင်းတွေ။ ဖြစ်ချင်တော့ ကျွန်တော်တို့အဆောင်မှာက အသံနည်းနည်းကျယ်ရင်ကိုပဲ တဖက်က ကြားရတယ်မလား။ သူငယ်ချင်းကလည်းပြောပါတယ်။ မင်းတစ်ခါဆိုရင် ဘေး ၂ခန်းကျော်ကကို ကြားနေရတယ်တဲ့။ ဒီလိုနဲ့ ဂျပန်ကောင်လေး သီချင်းတစ်ခါဆိုမယ်ဆိုရင် ဒီအချက်တွေကို ရှောင်ရှားပြီးဆိုနေရပါကြောင်း...

၁) မနက် ၁၂ အထိ မဆိုပါ... အိပ်ရာမထသေးသောသူများ ရှိနေသောကြောင့်..

၂) ည ၈ နာရီကျော်ရင် မဆိုပါ... ညဘက်ဆိုတော့ သူများအတွက် မကောင်းပါ...

၃) ဘေးပတ်ဝန်းကျင် တအားဆူနေသောအခါ မဆိုပါ.. အသံသွင်းတာ မကြည်လို့ပါ...

၎) ဒီလိုနဲ့ ၂၄ နာရီမှာ ကျွန်တော်ဆိုလို့ရသော အချိန် နာရီဝက်လောက်ပဲကျန်တော့တယ်... ကျောင်းလည်းသွားရတာကိုး....

အဲဒါ အဲဒီလို အလိုက်တသိနဲ့ နေပြီးဆိုပေးတာကို ဘေးကတရုတ်ကြီးက ကျွန်တော့်ရှေ့မှာကိုပဲ တရုတ်လို ဘာညာသာရကာ အတင်းနပ်တော့..  ကျွန်တော်ကလည်း သူပြောသော တရုတ်စကားများကို နားလည်သောကြောင့် စိတ်ဆိုးမာန်ဆိုးဖြင့် အောက်ပါသီချင်းအား သူအိပ်လို့ကောင်းနေသော မနက် ၈ နာရီလောက်တွင် အာဗြဲလျှာဗြဲဖြင့် သီဆိုလိုက်ပါကြောင်း... စိတ်ပုပ်စိတ်ယုတ်ဖြင့် မောင်းခတ်လိုက်ပါတယ်... အားလုံး အောင်ပွဲခံသည့်အထိန်းအမှတ်ဖြင့် Cheers...

ငရဲဆီသို့ အလည်တစ်ခေါက်..

မထင်မှတ်ပဲ ဖျက်ကနဲ မြင်လိုက်တဲ့ ဒီဓါတ်ပုံတွေကို ယောင်လို့ ၀င်ကြည့်လိုက်မိတဲ့ ကိုယ့်ကိုယ်ကိုရော ဖေ့စ်ဘွတ်ကိုရော နည်းနည်းတော့ တင်းနေမိသလိုပဲ။  ရင်ထဲမှာ ခံစားလိုက်ရတဲ့ တဆစ်ဆစ်နာကျင်မှုတွေဟာ ပြန်လည်အသက်ဝင်လာသလိုပဲ။ ဒါပေမယ့် ဒီတစ်ခါ မျက်ရည်တောင် မ၀ဲလာတာကိုတော့ နည်းနည်းကျေနပ် မိပါတယ်လေ။

လွန်ခဲ့သော တစ်နှစ်ကျော်ကာလကပေါ့ မှတ်မိပါတယ်။ အလုပ်က အပြန်။ ဘစ်ကားမှတ်တိုင်လေးမှာ မှီပြီးတော့ ထိန်းမနိုင်သိမ်းမရ ရှိုက်ကြီးတငင်ငိုကြွေးနေခဲ့တာ။ Tuas ကနေ ဘွန်လေးအထိ အိမ်ပြန်လမ်းတလျှောက် နှစ်ထပ်ကားရဲ့ အပေါ်ထပ် ထိပ်ဆုံးထောင့်လေးတစ်နေရာမှာ ထိုင်နေရင်း တရှိုက်ရှိုက်ငိုကြွေးနေခဲ့တာ။ အလန့်တကြားနဲ့ လာတွေ့တဲ့ သူငယ်ချင်းတွေရဲ့ ဖေးမမှုအောက်မှာပဲ ကျွန်တော်အငိုတိတ်ခဲ့ပါတယ်။ 

အဲဒီတုန်းက သူ့ဖရန့်စတားရဲ့ ထိပ်ဆုံးသူငယ်ချင်းနေရာလေးမှာ ကျွန်တော်လိုချင်ခဲ့တာ ချစ်သူတစ်ယောက်အနေနဲ့ မှားသလားဗျာ။ ရက်စက်စွာပဲ အဲဒီနေရာလေးမှာ ကျွန်တော်မရှိခဲ့တဲ့အပြင် ခြောက်ယောက်ထားလို့ရတဲ့ နေရာလေးမှာ ကျွန်တော်မဟုတ်သော တခြားသောသူတစ်ယောက်တည်း ရှိနေခဲ့တာကို ဘယ်လိုခံစားချက်နဲ့ လက်သင့်ခံသင့်သလဲ။ 1818 ဖုန်းကဒ်တွေဟာ လက်ထဲကနေ ဖလူးဖလူးထနေအောင်ကိုပဲ ကျွန်တော်တို့ ရန်ဖြစ်ခဲ့ကြတယ်။ ဖုန်းကဒ်တစ်ကဒ်ရဲ့ အဆုံးမှာ အရှုံးတွေကို တနင့်တပိုး ကျွန်တော်ပိုပို ပွေ့ဖက်လာခဲ့မိတယ်။ ထိုတစ်ယောက်နဲ့ ဘာများဖြစ်နေပြီလဲ... ဘယ်အဆင့်တွေ ရောက်နေပြီလဲ ဆိုတာကို တွေးနေရင်းနဲ့ပဲ ကျွန်တော့်ရင်ထဲမှာ ခံရခက်ခြင်းတွေ၊ မနာလိုခြင်းတွေ၊ ပူဆွေးခြင်းတွေနဲ့ ပြည့်လျှံနေခဲ့တာ ရက်ဆက်ပါပဲ။ ရန်တစ်ပွဲအဆုံးမှာ ကျွန်တော်ရလိုက်တဲ့စကားတစ်ခွန်းက  “ကျွန်တော်တစ်ဦးတည်းကိုပဲ ချစ်တာပါ” တဲ့လေ။ ဒီစကားတစ်ခွန်းလေးနဲ့ပဲ လက်တွေ့ဖြစ်နေတာတွေကို မျက်စိစုံမှိတ်ယုံဖို့ ကျွန်တော်အတတ်နိုင်ဆုံး ကြိုးစားခဲ့ပါတယ်။

ဲ

ဒီလိုနဲ့ ငရဲတစ်ညကို ရောက်လာခဲ့တော့တယ်။ အဲဒီည...။ ဖုန်းကဒ်ကနေတဆင့် ကျွန်တော်တို့ ရန်ဖြစ်ခဲ့ကြတယ်။ ကျွန်တော်တို့စကားများကြတယ်။ ရင်ထဲမှာ ခံစားရတဲ့ ခံရခက်ခြင်းတွေနဲ့ ကျွန်တော် မီးပွင့်ထွက်ချင်ခဲ့တယ်။ ကျွန်တော့်ကို မချစ်တော့ဘူးလို့ ပြောခဲ့ရင်တောင်မှ ခံရသက်သာဦးပေမယယ့် အခုတော့ ချစ်တယ် ချစ်တယ်..ဆိုတဲ့စကားလုံးအောက်မှာ အချစ်ရဲ့ လက္ခဏာတွေ တစက်မှ မရှိတာ ကျွန်တော်... ကျွန်တော်... ဘယ်လို လက်ခံရမလဲဗျာ.....။ 

အဲဒီည..... အရူးတစ်ယောက်လိုပဲ အလူးလူးအလိမ့်လိမ့် ကျွန်တော် ငိုကြွေးခဲ့ရတယ်။ ယောက်ျားလေးတန်မဲ့  မျက်ရည်တွေ မကုန်နိုင်အောင် ငိုကြွေးခဲ့ရတယ်။ ခံရခက်လွန်းလို့ ဆောက်တည်ရာမရ ဖြစ်နေခဲ့ရတယ်။ အတူတူနေတဲ့ အစ်ကိုကြီးကို အားနာလို့ အိပ်ရာထက်မှာ ငြိမ်ငြိမ်လေးနေနေရပေမယ့် ကျွန်တော့်ရင်ထဲမှာ မီးတောင်လိုပဲ...။ ဒီလိုနဲ့ အဲဒီနေ့ည ၂ နာရီ... ဧည့်ခန်းမှာ တစ်ယောက်တည်း ထိုင်နေခဲ့တယ်။ စုဗူးဆိုတဲ့ ဘလော့ခ်ဆိုဒ်ထဲမှာ စာတွေချရေးရင်းနဲ့ ငိုနေမိပြန်တယ်...။ အားလုံး အိပ်မောကျနေတဲ့ အချိန်.... ကျွန်တော်ကတော့ မီးတွေ တဟုန်းဟုန်းပါပဲ....။ ရင်ဖွင့်ရမယ့်သူတစ်ယောက်မှ မရှိတော့လို့ မြန်မာပြည်က အမဆီကို ဖုန်းဆက်ပြီး ငိုခဲ့မိတယ်.....။  အဲဒီနေ့ည ကျွန်တော်မအိပ်ခဲ့ဘူး။ နောက်တစ်နေ့ ကျွန်တော် ရုံးတက်ရတယ်.............

အချစ်ဦးမို့ ရူးနေအောင် ချစ်တာလား....။ သူမကို သစ္စာမဲ့တယ်လို့ အခုထိ ကျွန်တော် တစ်ခါမှ မစွပ်စွဲဘူးပါ။   တန်ဖိုးအရမ်းထားလို့ပါ။ အချိန်ရာသီတွေပြောင်းလာခဲ့ပြီ....။ အချိန်ဆိုတဲ့ ဆေးတစ်လက်နဲ့ပဲ ကျွန်တော့်ကိုယ် ကျွန်တော် ကုသနေခဲ့ရတယ်...။ ကျွန်တော်တို့ထားခဲ့တဲ့ ကတိတစ်ခုရှိပါတယ်...။ ချစ်သူမဟုတ်ခဲ့ရင်တောင် အဖော်မွန်ကောင်းတစ်ယောက်အနေနဲ့ နေကြရအောင်ရယ်လို့ပါ...။ ရန်ကုန် ရောက်တိုင်း ခံစားချက်ကို ခဏ၀ှက်ပြီး ဘာမှ မဖြစ်သလို တွေ့ခဲ့ရတယ်...။ ဘာမှ မဖြစ်သလို စကားပြောကြရတယ်...။ ဘာမှ မဖြစ်သလို ရယ်မောကြရတယ်...။ မျက်နှာမှာ ပြုံးပြီး ရင်ထဲမှာ ငိုနေရတဲ့ ဘ၀... ကျွန်တော်ဘာလို့ ဖြစ်နေခဲ့ရတာလဲ....။ ဘယ်ဘ၀က ၀ဋ်ကြွေးတွေလဲဗျာ......။ 

သူမကို လွမ်းနေတဲ့ အလွမ်းတွေ ရပ်တန့်သွားနိုင်အောင် ဘယ်အရာကများ စွမ်းဆောင်နိုင်မလဲဗျာ....။  သူငယ်ချင်းတွေပြောတဲ့... မေ့လိုက်စမ်းပါကွာ... တို့..၊ အရမ်းချစ်နိုင်တယ်နော်... တို့... ၊ ငါဆို ဒီလောက်ချစ်ပြမနေဘူး... တို့.... ဒါတွေအားလုံးကို ဆန့်ကျင်ပြီးတော့ သူမအတွက် ဒီကဗျာလေးကို ကျွန်တော်တင်ခဲ့ပြီးပါပြီ..... ။  ဒီဝဋ်ကြွေးဆိုတာကို ကြောက်လွန်းလို့ ဒီဘ၀ဒီအမျှနဲ့ပဲ ဒီဝဋ်ကြွေးတွေ ကြေပါစေလားဗျာ........

နှလုံးသားသေတမ်းစာ

တအားသည်းနေတဲ့ မိုးတွေနဲ့
တဖြည်းဖြည်းကျလာတဲ့ ဒီဂရီတွေက

ငါ့ခန္ဓာကိုအေးစက်လာစေခဲ့ပေမယ့်...

ငါ့နှလုံးသားကိုတော့ မအေးစက်စေနိုင်ဘူး..

ဟီတာကိုဖွင့်ထားလို့ ရတဲ့အနွေးဓါတ်ထက်
ငါ့နှလုံးသားက မင်းကိုချစ်နေဆဲ အချစ်တွေက
ငါ့ကို ပိုနွေးထွေးစေတယ်...

အပြင်မှာ စွေနေတဲ့ မိုးစက်တွေကြားမှာ..
အတိတ်က ပုံရိပ်တွေ
ထီးတစ်ချောင်းအောက်မှာ မင်းနဲ့ငါ
တစက်စက်ကျနေတဲ့မိုးရေတွေ...
ရွှဲစိုနေတဲ့ ငါ့ပုခုံးတစ်ဖက်...
ထီးလေးနဲ့ မင်းကိုမိုးအုပ်ပေးရင်းနဲ့..
မင်းအပေါ်ငါထားခဲ့တဲ့ အကြင်နာတွေ...
အရာရာဟာ အတိတ်ပဲလေ...

ငါတို့သွားခဲ့ဖူးတဲ့..
ဘုရားပေါ်က ထောင့်လေး...
J-donut က ထိုင်နေကျခုံလေး....
YKKO က စားပွဲဝိုင်း...
နေပြည်တော်က ရုပ်ရှင်လက်မှတ်...
အားလုံးဟာ ငါ့ရင်ထဲက သမိုင်းဝင် မှတ်တမ်းတွေပဲ...

မင်းကို ငါမမုန်းဘူး..
မင်းလည်း ငါ့ကိုမမုန်းဘူး..
ငါတို့ လမ်းလည်းမခွဲခဲ့ဘူး...
ချစ်သူတွေလည်းမဟုတ်တော့ဘူး..

ဒါပေမယ့်..
မင်းကိုငါသတိရတယ်..
လွမ်းတယ်..
ဆွေးတယ်..
ချစ်သူအနေနဲ့တော့မဟုတ်ဘူး..
မင်းကို အကြင်နာပေးဖို့..
ယုယဖို့...
ဖေးမဖို့..
အဖော်ပြုဖို့..

အရမ်းနာကျည်းရင်တောင်မှ..
သူငယ်ချင်းအနေနဲ့ အဖော်ပြုပေးနော်..
ဆိုတဲ့ ငါတို့ သစ္စာစကားတွေအတွက်..
ငါအဆင်သင့်ပဲ... ချစ်သူ...
ဒါဟာ ငါ့နှလုံးသား သေတမ်းစာ....

(ဒီစာလေးကို ကျွန်တော်အရမ်းအထီးကျန်နေရတဲ့ ဒီနိုင်ငံလေးမှာ ချရေးမိတာပါ...။ စိတ်ထွက်ပေါက် တစ်ခုအနေနဲ့ပေါ့လေ...။ ဒီစာကြောင့် သူမဂုဏ်သိက္ခာကို ထိခိုက်စေဖို့ မရည်ရွယ်သလို ကျွန်တော့်ခံစားချက်ကိုပဲ အလေးပေးတင်မိတာပါ.... နားလည်ခွင့်လွှတ်ပေးနိုင်ကြလိမ့်မယ်လို့ ကျွန်တော် ဂျပန်ကောင်လေး ယုံကြည်ပါတယ်..)

ရှေးထုံးများနဲ့ ကျွန်တော်

မြန်မာလူမျိုးတွေမှာ ဆိုရိုးစကားတွေဟာ အရမ်းကို အရေးပါလွန်းပါတယ်။ ဆိုပါစို့ “ရှေးထုံးလည်း မပယ်နဲ့၊ ဈေးသုံးလည်း မကြွယ်နဲ့” ဆိုတဲ့ ဆိုရိုးစကားတစ်ခုထဲနဲ့ကို ချုပ်ထားတော့ ဘာလုပ်လုပ် ဒီစကားကို ကြားယောင်ပြီးတော့ ဆိုရိုးတွေနဲ့ ရိုးရာယုံကြည်မှုတွေဟာ ခေါင်းထဲကို ကန့်လန့်ကန့်လန့် ၀င်ရောက်လာတတ် တာပါပဲ။ တချို့တချို့သော စကားတွေဟာ ကျွန်တော်တို့ဘ၀မှာအင်မတန် အရေးပါတယ်ဆိုပေမယ့် တချို့စကားတွေကျတော့လည်း လက်ခံရမလို လက်မခံရသလို အရမ်းခေါင်းစားပါတယ်။ 

ဟိုးငယ်ငယ်ကပေါ့။ အပေါင်းအသင်းတွေနဲ့ ဇယ်တောက်ကစားမယ်ဆိုရင် အရင်ဆုံး မောင်းထုတ်ခံရပါတယ်။ “သွား.. အိမ်မှာ လာမဆော့နဲ့ လာဘ်ပိတ်တယ်” ဆိုတာမျိုးပေါ့။ ဒီတော့ကျလည်း ခေါင်းလေးတွေ ငိုက်စိုက်ငိုက်စိုက်နဲ့ လူကြီးမရှိတဲ့ အိမ်မှာ သွားတောက်ကြတာပေါ့။ တခါတလေ သြဇာစေ့တွေ တောက်ဆော့ကြပါတယ်။ ကျွန်တော်နိုင်လို့ တပြုံးပြုံးနဲ့ အိမ်သယ်သွားရင် လူကြီးမမြင်အောင် ၀ှက်ထားရတယ်။ အိမ်က ဘာမှ မပြောပေမယ့် တချို့အိမ်တွေမှာ အရိုက်တောင်ခံရတယ်လေ။  အသက်နည်းနည်းလေးကြီးလာတော့ သီချင်းတအေးအေး လေတချွန်ချွန်လေးလုပ်မယ်ပြင်ရင် “လေမချွန်ရဘူး... လာဘ်ပိတ်တယ်. ” လာပြန်ပြီ။ ဒီလာဘ်ပိတ်တာ...။ ဘာပဲပြောပြော.. ဒီလို အတားအဆီးတွေကြောင့် လေကို မချွန်တတ်ခဲ့တာ စလုံးရောက်မှ လေချွန်ပြန်ကျင့်တာ အခုဆို အတော်ကို ကျွမ်းနေပေါ့... :P။

ကျွန်တော်ရှစ်တန်းရောက်တော့ ကျောင်းမှာ ဘင်ခရာအသင်းစလုပ်ပါတယ်။ ကျွန်တော်တို့တွေ သင်တန်းတက်ရတယ်ပေါ့။ ဒီဘင်ခရာမှာ ကျွန်တော်ဒရမ်တီးရတော့ ပုလွေမှုတ်သူတွေလောက် ပုလွေမှုတ်မတော်ဘူးပေါ့။ ဒါနဲ့ မဖြစ်သေးပါဘူး။ ကျင့်ဦးမှဆိုပြီးတော့ အိမ်မှာ ပုလွေမှုတ်ကျင့်တော့ အိမ်က အဖိုးက ငေါက်ပါလေရော။ သူနားအေးပါးအေး မနေရဘူးပေါ့လေ။ အဲဒါ နောက်တစ်နေ့ ဂရုမစိုက်ပဲ ဆက်မှုတ်တော့ ဘာနဲ့လည်းမသိဘူး အပေါက်ခံရတာ..။ ကျွန်တော်လည်း စိတ်ဆိုးပြီး အိမ်ဘေးက ၀ါးရုံတောအောက်မှာ သွားမှုတ်တာပေါ့။ နွေဦးအချိန် လေရူးတွေက တသုန်သုန်နဲ့ တရှဲရှဲမြည်နေတဲ့ ၀ါးရုံပင်အောက်မှာ ပုလွေလေးကို မှုတ်ရင်းနဲ့ အားပါး.... ကောင်းလိုက်တာ... တာာ.... တာ...။ အမလေး... မြွေ.. မြွေ... ။ မြွေတစ်ကောင် စိုက်စိုက်မြိုက်မြိုက်ကို ရောက်လာတယ်ဗျာ။ ကျွန်တော်လည်း ကြောက်အားလန့်အားနဲ့ ပြေးတာ နောက် အိမ်မှာ ပုလွေကို မမှုတ်ရဲတော့ပါဘူး။

ခြေသည်းလက်သည်းရှည်လို့ ညှပ်မယ်ဆိုရင် အိမ်ရှေ့မညှပ်ရတာတို့ ညအချိန် မညှပ်ရတာတို့ ပြောပြန်ရော။ ဒါကို အစက ကျွန်တော် ဘ၀င်မကျဘူး။ လက်သည်းညှပ်တာ ဘယ်နေရာညှပ်ညှပ်ပေါ့။ နောက်တော့ စဉ်းစားကြည့်တယ်။ လက်သည်းညှပ်တယ်ဆိုတာ အညစ်အကြေးတွေကို ရှင်းတာမျိုးပေါ့။ ဒီလိုအလုပ်ကို အိမ်ရှေ့ လူမြင်သူမြင်တဲ့နေရာ လုပ်တာ ဘယ်ကောင်းမလဲလို့ပဲ ယူဆလိုက်ပါတယ်။ နောက် ညဘက်ညှပ်ရင် မမြင်မကန်းနဲ့တို လက်အသားနုတွေ ပါမှာစိုးလို့ထင်တယ်လို့ပဲ ယူဆလိုက်တော့ စိတ်ချမ်းသာသွားရော။ 

ကျွန်တော်အသက်နည်းနည်းကြီးလာတော့ စဉ်းစားတတ်လာတယ်။ အိမ်ရှေ့အိမ်က မျက်နှာသစ်၊ သွားတိုက်ရင် အိမ်ရှေ့မှာ အမြဲလုပ်တယ်။ လူကြီးတွေပြောကြတယ်လေ။ အိမ်ရှေ့မှာ မသစ်နဲ့ လာဘ်ပိတ်တယ် ဘာညာပေါ့။ ဒါပေမယ့် ကျွန်တော့်ဦးနှောက်နဲ့ မီသလောက်မြင်တာကတော့ အိမ်ရှေ့မှာ ဒီလိုလုပ်တာ လာဘ်ပိတ်မပ်ိတ်တာတော့ မသိဘူး။ လုံးဝကို အမြင်မသင့်တာကတော အသေအချာပဲ။ သွားတိုက်လို့ထွက်လာတဲ့ တံတွေး အပုပ်အဟောင်တွေကို ကိုယ့်အိမ်ရှေ့မှာ စွန့်ပစ်တာ ဘယ်ကောင်းမလဲဗျာ။ 

တချို့တချို့သော ကိစ္စတွေက မယုံလို့မဖြစ်တာမျိုးလည်းရှိပါတယ်။ ဥပမာ ကျွန်တော့်အိမ်မှာ တံခါးကို ရှေ့ကနေ နောက်အထိ တည့်တည့်လုပ်ထားပါတယ်။ အိမ်ရှေ့ကနေကြည့်ရင် အိမ်နောက်ဖေးအထိ မြင်ရတယ်ပေါ့ဗျာ။ လူကြီးတွေပြောပါတယ်။ ငွေဝင်လွယ်တယ်.. ပြီးတော့ တန်းပြီး ငွေထွက်လွယ်တယ်တဲ့။ ဒါက ကိုယ်ကိုယ်တိုင်ကြုံတော့လည်း ပြန်ပြင်ဆောက်လိုက်ရတယ်ပေါ့လေ။ 

တခါတလေ မေမေက ပြောပါတယ်။ ကိုယ်မယုံကြည်ပေမယ့် ပတ်ဝန်းကျင်နဲ့ အလိုက်အထိုက်နေရတယ်တဲ့။  ကျွန်တော်ယုံကြည်ကိုးကွယ်တဲ့ ထေရ၀ါဒ ဗုဒ္ဓဘာသာမှာ ဘာသာဝင်စစ်ရိုးမှန်ရင် ဘာအယူမှ မရှိပါဘူး။ အားလုံးဟာ ရုပ်နဲ့ နာမ်ပါပဲ။ ဘယ်အရာမှ မတည်မြဲပါဘူး။ ကျွန်တော့်ဖေဖေဆုံးတုန်းကတော့ မယုံနိုင်လောက်အောင်ကိုပဲ ရိုးရာအယူတွေ များတယ်ဆိုတာကို မြင်လိုက်ရတယ်။ ဖေဖေဆုံးတော့ နယ်မှာဆိုတော့ အိမ်မှာ သုံးရက်လောက်ထားပါတယ်။ အဲဒီမှာ ဖေဖေ့ဓါတ်ပုံကို ခုံတစ်ခုပေါ်မှာ တင်ထားပြီးတော့ ဖယောင်းတိုင်ထွန်းထားပါတယ်။ ပြီးတော့ ကျွေးစရာတွေလည်း တင်ထားပါတယ်။ ဖေဖေ၀ိညဉ်ဘ၀နဲ့ စားဖို့ပေါ့လေ။ တကယ်တော့ နာမ်စိတ်တစ်ခု ပျက်ပြီးတဲ့နောက် ချက်ချင်းမှာပဲ နောက်နာမ်အသစ်ဖြစ်ပေါ်တယ်လေ။ ဖေဖေက ဒီအိမ်မှာ ဆုံးပေမယ့် ဆုံးဆုံးပြီးချင်းပဲ သူ့ဘ၀အသစ်ကို စနေပြီပဲလေ။ လာစားဖို့ ဘာညာဆိုတာ ထေရ၀ါဒမှာ မရှိပါဘူး။ ဒီလိုကျွေးတာကတော့ ကိုယ့်အဖေမို့လို့ ဘာမှ မဖြစ်ပါဘူးလို့ပဲ စိတ်ထဲထားလိုက်မိပါတယ်။ 

ပိုဆိုးလာတာက အလောင်းချတဲ့အခါမှာပါ။ ဖေဖေ့ကို ပိတ်စနဲ့အုပ်ပြီးတော့ မချီကြတယ်။ အဲဒီမှာ ကြားလိုက်ရတာကတော့ အလောင်းကို အိမ်ရဲ့ ဘယ်တိုင် ဘယ်အစိတ်အပိုင်းကိုမှ မထိစေနဲ့တဲ့။ အိမ်ခိုက် လိမ့်မယ်တဲ့။ သြော်... အသက်ရှင်တုန်းကတော့ တန်ဖိုးကြီးလိုက်တဲ့လူ... သေတော့မှပဲ အိမ်ကိုတောင် ယောင်လို့မှ မထိရဘူးတဲ့လား။ အိမ်တံခါးဝကနေ အပြင်ကိုထွက်မယ်လုပ်တော့ လှေကားလေးတစ်ခုကို အောက်မှာ ခင်းလိုက်ပါတယ်။ အဲဒီ လှေခါးကို သီးသန့် ၀ါးနဲ့လုပ်ရတာပါ။ အဲဒီလှေကားကို နင်းပြီး ဒီအလောင်းက ဆင်းရင် လူပျိုပြန်ဖြစ်ပြီး အေးအေးလူလူသွားလိုရာ သွားနိုင်ပါသတဲ့ဗျား။ ကျွန်တော့်မှာ ရယ်ချင်လွန်းတော့ ကြိတ်ကြိတ်ပြုံးနေရတာ။ အဲဒီတုန်းကတော့ အဖေဆိုတဲ့ မွေးသဖခင်ကြီး မီးတွေအောက်မှာ တမြေ့မြေ့လောင်ကျွမ်းသွားလိုက်တာ... ကျွန်တော့်ရင်ခွင်ပိုက်ထဲက ပြာအိုးလေးသာသာပဲ ကျန်ခဲ့တော့တယ်။ 

“မသာတစ်ခေါက် ကျောင်းဆယ်ခေါက်” ဆိုတာကို လွဲပြီး ကလေးတွေကို သင်ပေးကြတာကလည်း ရှိသေးတယ်။ မသာတခါလိုက်ပို့တာ ကျောင်းဆယ်ခေါက်လိုက်ပို့တဲ့ ကုသိုလ်နဲ့ အတူတူပဲ လို့ သင်ပေးကြသတဲ့။ တကယ်က မသာတစ်ခေါက်လိုက်ပို့လိုက်လို့ ရလိုက်တဲ့ သံဝေဂတွေ၊ ရလိုက်တဲ့ တရားတွေဟာ ဘုန်းကြီးကျောင်းမှာ တရား ၁၀ ခါသွားနာရတာထက်တောင် ပိုနိုင်သေးတယ်လို့ ဆိုတာပါ။ ဖြစ်သလို လိုက်ပို့ပြီးတော့တော့ ကုသိုလ်က ဘယ်နားက ရမလဲ။ ငယ်ငယ်ကျောင်းသားဘ၀ကတော့ မသိပါဘူးလေ။ ဒီလိုကြားတော့ မသာဆို လိုက်ပို့ဖို့ လက်ငြှိုးဝိုင်းထောင်ကြတာ မှတ်မိသေး...:)) ။

အဲ... ဖေဖေ့အလောင်းကို တင်ထားတဲ့ ကုတင်က အသစ်စက်စက်လေ။ အဲဒီတော့ ဘေးလူတွေက ဘာပြောသလဲဆိုတော့ အဲဒီကုတင်ကို ဘုန်းကြီးကျောင်းလှူလိုက်ပါလားတဲ့လေ။ အိမ်မှာကျတော့ ထိမှာ ခိုက်မှာစိုးပြီး ဘုန်းကြီးတွေကျတော့ ထိပါစေတော့တဲ့လား ဗုဒ္ဓဘာသာဝင်တို့ရဲ့....။ အဲဒီရိုးရာအယူတွေကို ဆက်သာပြောရင်တော့ ကုန်မယ်မထင်ပါဘူးဗျာ။ မြန်မာလူမျိုးတွေကတောင် နည်းသေးတယ်ပြောရဦးမယ်။

ဘာပဲပြောပြော... အသိစိတ်ဆိုတာ ကိုယ်ကိုယ်တိုင် လုပ်မှ ရမှာမို့လို့ အသိတရားတွေပေးတဲ့ စာပေတွေကို ဖတ်ရှုဖို့ တအားအရေးကြီးပါတယ်။ ဘ၀မှာ မသေမချင်း သတိထားပြီး လုပ်ရမှာပေါ့... ဘာတဲ့။ “ရှေးထုံးလည်း မပယ်နဲ့ ဈေးသုံးလည်း မလွယ်နဲ့” တဲ့.... :)))။

နိယာမ သင်ခန်းစာ

ကောင်လေးတစ်ယောက်နဲ့ ကောင်မလေးတစ်ယောက် အရမ်းကို ချစ်ကြသည်။ 

........................................

ကောင်လေးတစ်ယောက်နဲ့ ကောင်မလေးတစ်ယောက် ကြေကွဲစွာ လမ်းခွဲနှုတ်ဆက်နေကြသည်။ 

......................................

ကောင်လေးတစ်ယောက်.. ကဗျာအိုတွေကြားမှာ နစ်မွန်းနေပြီ.... ။ ကောင်မလေးပေးခဲ့သော အလွမ်းများနဲ့....။

......................................

ကောင်မလေးတစ်ယောက် အိပ်ရာထက်မှာ ငိုကြွေးနေသည်...။  သူ့ကို စွန့်ပစ်ခဲ့သော ကောင်လေးရဲ့ အချစ်တွေကို တမ်းတရင်းနဲ့ပေါ့.....။

......................................

ကောင်လေး လက်ထပ်ခဲ့ပြီ...။  ကောင်မလေးမဟုတ်တဲ့ တခြားသူနဲ့ပေါ့....။ 

.....................................

ကောင်မလေး လက်ထပ်ပြီ။ ကောင်လေးမဟုတ်တဲ့ တခြားသူနဲ့ပေါ့...။

....................................

ကောင်လေးက သူ့ဇနီးကိုပြောတယ်... “မင်းဟာ ငါ့ရဲ့ အချစ်ဆုံးသူပဲတဲ့”။ သားသားမီးမီးတွေကို နမ်းလို့ပေါ့...။ 

.................................

ကောင်မလေး... ရင်ခွင်ထဲက ကလေးငယ်ကို နမ်းရှုံ့ရင်းနဲ့ ခင်ပွန်းကိုပြောတယ်.... “ကို့ကို ချစ်တယ်”တဲ့။

................................

ကောင်လေး... အဖိုးကြီးဖြစ်လာတဲ့ တစ်နေ့... ဇနီးနဲ့ အတူမအိပ်တော့ဘူး..။ မြေးတွေနဲ့ ဆော့တယ်..။ ပြောပါတယ်... “မြေးလေးတွေဟာ အဖိုးရဲ့ အချစ်ဆုံးပဲ”တဲ့...။ 

..............................

ကောင်မလေး.... အဖွားကြီးဖြစ်လာတော့ ခင်ပွန်းကို မပြုစုတော့ပဲ မြေးတွေနဲ့ပဲ ဆော့နေတော့တယ်...။ ပါးစပ်က တဖွဖွပြောတာက “တော့ကို ယူခဲ့တာ ကျုပ်အမှားပဲ” တဲ့...။

.............................

ကောင်လေး... အသက်ကြီးလို့ မေ့တတ်လာတော့ မြေးရယ် သားရယ်.. ဇနီးရယ် မသိတော့ပဲ မေးလိုက် မေ့လိုက် ဖြစ်နေသတဲ့...။ 

............................

ကောင်မလေး... သူငယ်ပြန်ပြီး ဘာကိုမှ မသိတော့ဘူးတဲ့လေ....။

...........................

အဲဒီနေ့က အသုဘနှစ်ခုချတယ်လေ...။ အချစ်ကို မခံစားတတ်တော့တဲ့ ရုပ်အလောင်းပိုင်ရှင် ကောင်လေးနဲ့ ကောင်မလေးတို့ကိုပေါ့။ 

..........................

လေဟာနယ်ထဲက ဘောလုံးနှစ်လုံး တိုက်မိပြီး လွှင့်သွားသလိုပဲပေါ့။ အခုလည်း တခြားဘောလုံးတွေကို တိုက်ပြီး လွှင့်သွားပြန်ပြီ။ သြော်... ဘောလုံးတွေ အများကြီးမျောနေပါလား....။ ဒီဘောလုံးနှစ်လုံးလည်း ပြန်တိုက်လာနိုင်တာပဲလေ....။ 

ဘ၀သံသရာဆိုတာ လေဟာနယ်ထဲက ဘောလုံးတွေပါပဲ။ အခုဆက်ဆံပေါင်းသင်းနေရသောသူများ၊ ချစ်သူ ရည်းစား မိသားစုများ.. ဒီဘ၀မှာ တိုက်မိတာပါ။ မကြာခင်ပဲ အဝေးကို လွင့်သွားမှာကို ကြိုပြင်ရမှာပေါ့။ နောင်ကျတော့ကော ဘယ်သူတွေနဲ့ တိုက်ဦးမှာလဲ... ။ ဒီလိုပဲ တိုက်နေမှာလား....။